ජාඇල පොලිස් වසමේ ඒකල ප්රදේශයේදී නීතිවිරෝධී මත්පැන් සන්තකයේ තබාගෙන සිටි සැකකරුවෙකු අත්අඩංගුවට ගැනීමට වලාන දූෂණ මර්දන ප්රහාරක ඒකකයේ නිලධාරීන් සමත්ව තිබේ. ඊයේ (27) පස්වරුවේ සිදුකළ මෙම වැටලීමේදී නීතිවිරෝධී මත්පැන් ලීටර් 75ක් (බෝතල් 100ක්) පොලිස් භාරයට ගෙන ඇත.
අත්අඩංගුවට පත් සැකකරු නාත්තන්ඩිය ප්රදේශයේ පදිංචි 61 හැවිරිදි පුද්ගලයෙකි. අත්අඩංගුවට ගත් සැකකරු සහ මත්පැන් තොගය වැඩිදුර විමර්ශන සඳහා ජාඇල පොලිස් ස්ථානය වෙත ඉදිරිපත් කර ඇති අතර, ජාඇල පොලිසිය මේ පිළිබඳව ඉදිරි නීතිමය පියවර ගනිමින් සිටියි.
