ආණ්ඩුවේ මැති ඇමතිවරුන් රැසක් මේ වන විට මෙරටින් පිටව යාමට අවශ්ය වීසා බලපත්ර සකස් කරගනිමින් සිටින බවට තොරතුරු ලැබී ඇතැයි හිටපු පාර්ලිමේන්තු මන්ත්රී තිස්ස කුට්ටිආරච්චි මහතා පවසයි. වැඩසටහනකට සහභාගී වීමෙන් අනතුරුව මාධ්ය වෙත අදහස් දක්වමින් ඔහු සඳහන් කළේ පවතින දේශපාලන තත්ත්වය හමුවේ මෙම පිරිස මෙලෙස රටින් පිටවීමට සූදානම් වන බවයි. මෙහිදී ඔහු වැඩිදුරටත් චෝදනා කළේ හැකර් ප්රහාර එල්ල වූ බව පවසමින් මහා භාණ්ඩාගාරයේ මුදල් සොරකම් කර ඇති බවත්, එකම කොන්ත්රාත්කරුවන් පිරිසකට කිහිප වරක් මුදල් ගෙවීම හරහා මහා පරිමාණ මූල්ය වංචාවක් සිදුවෙමින් පවතින බවත්ය.
මෙලෙස නීතිවිරෝධී ලෙස උපයා ගන්නා මුදල් තොග පිටින් පැලවත්තේ පිහිටි කාර්යාලයක් වෙත රැස් කරමින් පවතින බවට ද හිටපු මන්ත්රීවරයා ආන්දෝලනාත්මක අනාවරණයක් සිදු කළේය. රටේ ජනතාවගේ මුදල් මේ ආකාරයෙන් අවභාවිත කිරීම සහ රජයේ මැති ඇමතිවරුන් රටින් පිටවීමට දරන උත්සාහයන් සම්බන්ධයෙන් වහාම විධිමත් විමර්ශනයක් පැවැත්විය යුතු බව ඔහු අවධාරණය කර සිටියි. මෙම ප්රකාශය සම්බන්ධයෙන් ආණ්ඩුව පාර්ශවයෙන් මෙතෙක් නිල ප්රතිචාරයක් ලැබී නොමැති අතර, පවතින ආර්ථික සහ දේශපාලන වාතාවරණය හමුවේ මෙම අනාවරණය සමාජ මාධ්ය තුළ දැඩි කතාබහට ලක්ව තිබේ.
