ඇමරිකානු ජනාධිපති ඩොනල්ඩ් ට්රම්ප් සහ බ්රිතාන්යයේ තෙවැනි චාල්ස් රජු අතර ධවල මන්දිරයේදී පැවති හමුවක ඡායාරූපයක් ධවල මන්දිර නිල සමාජ මාධ්ය ගිණුම මඟින් “රජවරු දෙදෙනෙක්” (TWO KINGS) යනුවෙන් නම් කිරීමත් සමඟ ලොව පුරා දැඩි දේශපාලන කතිකාවතක් නිර්මාණය වී තිබේ. චාල්ස් රජු සහ කැමිලා රැජින වෙනුවෙන් සංවිධානය කර තිබූ රාජ්ය භෝජන සංග්රහය අතරතුර මෙම හමුව සිදුවූ අතර ජනාධිපතිවරයකු රජෙකු ලෙස හැඳින්වීම ඇමරිකානු ප්රජාතන්ත්රවාදී සංකල්පවලට පටහැනි බවට විපක්ෂ ඩිමොක්රටික් පාර්ශවයෙන් දැඩි විවේචන එල්ල වෙමින් පවතී.
චාල්ස් රජු කොංග්රස් මණ්ඩලය අමතමින් දෙරටේම විධායක බලය පාලනය කිරීම සඳහා ශක්තිමත් සමතුලිතතාවයක් පවතින බව අවධාරණය කළද ධවල මන්දිරයේ මෙම හැඳින්වීම විචාරකයන්ගේ දැඩි අවධානයට ලක්ව ඇත. තමා රජෙකු ලෙස කටයුතු කරන බවට එල්ල වන චෝදනා ජනාධිපති ට්රම්ප් විසින් සරදම් සහගතව ප්රතික්ෂේප කර ඇති අතර මෙම රාජ්ය හමුව දෙරටේ සබඳතාවල නව සන්ධිස්ථානයක් ලෙස සැලකේ.
