කොළඹ සහ තදාසන්න ප්රදේශවල දිනපතා ගමන් කරන ලක්ෂ සංඛ්යාත ජනතාව මුහුණ දෙන අසීමිත ප්රවාහන පීඩනයට සහ කාලය නාස්ති වීමට තීරණාත්මක විසඳුමක් ලබාදීමේ අරමුණින් රජය විශේෂ මෙහෙයුමක් ආරම්භ කර තිබේ. ජනාධිපති අනුර කුමාර දිසානායක මහතා සහ ප්රවාහන අංශයේ ඉහළම නිලධාරීන් අතර අද (29) පෙරවරුවේ පැවති මෙම හදිසි සාකච්ඡාව හරහා මෙරට දුම්රිය ඉතිහාසයේ නව පිටුවක් පෙරළන පෙරළිකාර තීන්දු කිහිපයක් ගෙන ඇති බව වාර්තා වේ.
කොළඹ තදාසන්න දුම්රිය ව්යාපෘතිය (CSRP) යටතේ කැලණිවැලි මාර්ගයේ මරදාන සිට මාකුඹුර දක්වාත්, ප්රධාන මාර්ගයේ කොළඹ කොටුව සිට රාගම දක්වාත්, මුහුදුබඩ මාර්ගයේ පානදුර දක්වාත් පළමු අදියර යටතේ විදුලි දුම්රිය සේවාවක් ආරම්භ කිරීමට මෙහිදී සැලසුම් කෙරිණි. වර්තමාන දුම්රිය සේවාවට සමාන්තරව ක්රියාත්මක වන මෙම නවීන විද්යුත් දුම්රිය පද්ධතිය සඳහා දැනට පවතින පුළුල් රේල් පීලි (Broad Gauge) වෙනුවට ජාත්යන්තර ප්රමිතියේ සම්මත රේල් පීලි (Standard Gauge) යොදා ගනිමින් මුළුමනින්ම නවීකරණය කරන ලද මාර්ග පද්ධතියක් ඉදි කිරීමට නියමිතය.
ලබන වසර මුලදී වැඩ ආරම්භ කිරීමට නියමිත මෙම දැවැන්ත ව්යාපෘතිය සඳහා අවශ්ය මූල්ය ප්රතිපාදන සපයා ගැනීම සහ මතුවිය හැකි අභියෝග පිළිබඳවද අමාත්ය බිමල් රත්නායක මහතා ඇතුළු ජ්යෙෂ්ඨ නිලධාරීන් මෙහිදී පුළුල් ලෙස සාකච්ඡා කළහ. මෙම සංවර්ධන විප්ලවයත් සමඟ කොළඹ නගරය ආශ්රිත ප්රවාහන පද්ධතිය ලෝක මට්ටමේ නවීන මුහුණුවරක් ගනු ඇති අතර එය පොදු ජනතාවගේ කාලය සහ ශ්රමය ඉතිරි කරන සැබෑ ජනතා මෙහෙවරක් වනු නොඅනුමානය.
