දේශීය කුළුබඩු නිෂ්පාදන ජාත්යන්තර ප්රමිතීන්ට අනුකූලව ඇසුරුම් කිරීම සහ එමඟින් අපනයන වෙළඳපොළ තුළ තරඟකාරිත්වය ඉහළ නැංවීමේ අරමුණින්, ශ්රී ලංකා අපනයන සංවර්ධන මණ්ඩලයේ (EDB) ජාතික ඇසුරුම් මධ්යස්ථානය (NPC) විසින් විශේෂ දැනුවත් කිරීමේ වැඩමුළුවක් සංවිධානය කරන ලදී. අපනයනකරුවන් සහ විභව අපනයනකරුවන් 65කට අධික පිරිසක් මේ සඳහා සහභාගී වූහ.
EDB යටතේ ක්රියාත්මක වන ජාතික ඇසුරුම් මධ්යස්ථානය ශ්රී ලංකාවේ ඇසුරුම් කර්මාන්තය සංවර්ධනය කිරීම සඳහා කැපී පෙනෙන මෙහෙවරක් ඉටු කරයි. නිෂ්පාදකයින්, නිර්මාණකරුවන්, කුඩා හා මධ්ය පරිමාණ ව්යවසායකයින් සහ පර්යේෂණ ආයතන සම්බන්ධ කර ගනිමින් කෘෂිකාර්මික අපනයනවල තිරසාර වර්ධනයට අවශ්ය සහාය මෙහිදී ලබා දෙනු ලැබේ. ඇසුරුම්කරණ උපදේශක ඩබ්ලිව්. අභය සෙනවිරත්න මහතා සහ CMC ඉංජිනේරු සමාගමේ කළමනාකරු සනත් වනිගසේකර මහතා මෙම වැඩමුළුවේදී සම්පත් දායකත්වය ලබා දුන්හ.
වැඩමුළුව හරහා කුළුබඩු සඳහා භාවිත කළ හැකි නවීන ඇසුරුම්කරණ ශිල්පීය ක්රම, විවිධ කුළුබඩු වර්ග සඳහා වඩාත් සුදුසු ඇසුරුම් ද්රව්ය තෝරා ගැනීම සහ ආහාර කර්මාන්තයේදී භාවිතා වන නවීන ඇසුරුම් යන්ත්රෝපකරණ වැනි තාක්ෂණික කරුණු පිළිබඳව දීර්ඝ වශයෙන් සාකච්ඡා කෙරිණි. නිෂ්පාදනවල ගුණාත්මකභාවය පවත්වා ගැනීම සහ නාස්තිය අවම කරන ආකාරය පිළිබඳව ද සහභාගිවන්නන් මෙහිදී දැනුවත් කරන ලදී.
ජාත්යන්තර නියාමන අවශ්යතාවලට අනුකූල වෙමින්, ඉහළ වටිනාකමකින් යුත් නිෂ්පාදන ලෝක වෙළඳපොළට ඉදිරිපත් කිරීමට මෙමඟින් දේශීය අපනයනකරුවන්ට මනා අවබෝධයක් ලැබුණු බව අපනයන සංවර්ධන මණ්ඩලය සඳහන් කරයි.
