නාරාහේන්පිට ජානකී හෝටලයේ නවාතැන් ගෙන සිටි වෛද්යවරියන් පිරිසක් ස්නානය කරන දර්ශන රහසිගතව රූගත කිරීමේ චෝදනාව මත අත්අඩංගුවට ගත් 19න් පහළ ජාතික ක්රිකට් කණ්ඩායමේ සිසුන් දෙදෙනෙකු කොළඹ අතිරේක මහේස්ත්රාත්වරයා විසින් ඇප මත මුදා හැර තිබේ.
මහනුවර ත්රිත්ව විද්යාලයේ සහ වෙන්නප්පුව ජෝශප් වාස් විද්යාලයේ ඉගෙනුම ලබන මෙම සිසුන් දෙදෙනා රුපියල් ලක්ෂ පහ බැගින් වූ ශරීර ඇප මත මුදා හැරීමට නියෝග කෙරිණි. ක්රිකට් පුහුණු කඳවුරකට සහභාගී වී සිටි මෙම සිසුන් හෝටල් කාමරයේ නාන කාමරවල සිදුරු සකසා සූක්ෂම ලෙස මෙම රූගත කිරීම් සිදු කර ඇති බව පොලිසිය අධිකරණයට වාර්තා කර ඇත. තරුණ වෛද්යවරියකගේ පැමිණිල්ලකට අනුව CCTV දර්ශන පරීක්ෂා කිරීමෙන් අනතුරුව මොවුන් අත්අඩංගුවට ගෙන තිබේ.
සැකකරුවන්ගේ ජංගම දුරකථන පරීක්ෂා කිරීමේදී ගර්භණී වෛද්යවරියකගේ සහ පිරිමි පුද්ගලයින් කිහිපදෙනෙකුගේ ද නාන දර්ශන සොයාගෙන ඇත. මෙම දර්ශන අන්තර්ජාලයට මුදාහැර ඇත්දැයි සෙවීම සඳහා පොලිසිය පුළුල් විද්යාත්මක විමර්ශනයක් ආරම්භ කර තිබේ. සිද්ධිය වූ දිනයේදී ක්රීඩකයින්ගේ ජංගම දුරකථන රාත්රී කාලයේදී නිලධාරීන් භාරයට ගැනීමේ නීතිය නිසි පරිදි ක්රියාත්මක වී නොමැති බවද හෙළි වී ඇත.
සැකකරුවන් ඔවුන්ගේ ජංගම දුරකථනවල තිබූ දර්ශන මකා දමා ඇති බවට ඉදිරිපත් වූ කරුණු සලකා බලා ඔවුන්ට ඇප ලබා දී ඇති අතර විමර්ශනවල ප්රගතිය මැයි මස 25 වන දින යළි වාර්තා කරන ලෙස මහේස්ත්රාත්වරයා නියෝග කළේය.
