පසුගිය සිකුරාදා බර්මින්හැම් හි යූටිලිටා අරීනා (Utilita Arena) හි පැවති ප්රකට විකට නළු පීටර් කේ ගේ ප්රසංගය අතරතුර ඇතිවූ බෝම්බ තර්ජනයක් හේතුවෙන් ප්රසංගය හදිසියේ අත්හිටුවීමට සිදුවිය. ප්රසංගය ආරම්භ වී විනාඩි 45කින් පමණ පසුව සැකකටයුතු බෑගයක් සම්බන්ධයෙන් පොලිසිය සිදුකළ පරීක්ෂණයක් නිසා ප්රසංගය අත්හිටුවා ප්රේක්ෂකයන් එම ස්ථානයෙන් ඉවත් කිරීමට පියවර ගන්නා ලදී.
මෙම සිදුවීම සම්බන්ධයෙන් 19 හැවිරිදි තරුණයෙකු අත්අඩංගුවට ගෙන ඇති අතර, එම ස්ථානයේ සැකකටයුතු කිසිවක් සොයා ගැනීමට නොහැකි වූ බව බටහිර මිඩ්ලන්ඩ්ස් පොලිසිය පවසයි. ආරක්ෂක පරීක්ෂණ අවසන් වීමෙන් පසු නිකුත් කළ නිවේදනයකට අනුව, පීටර් කේ ගේ සෙනසුරාදා රාත්රී ප්රසංගය සැලසුම් කළ පරිදිම පැවැත්වෙන බව එන්ඊසී (NEC) සමූහය තහවුරු කළේය. සිකුරාදා ප්රසංගය සඳහා ටිකට්පත් මිලදී ගත් ප්රේක්ෂකයන්ට ඒ සම්බන්ධයෙන් ඉදිරි පියවර දැනුම් දීමට කටයුතු යොදා ඇත.
