ගම්මානයම නිහඬව පැවති මොහොතක, කිසිවෙකුත් බලාපොරොත්තු නොවූ බිහිසුණු මාරයෙකු නිවසක් අසලම සැඟවී සිට ඇත. තමන්ට අතිශය හුරුපුරුදු පරිසරයක, සුපුරුදු පරිදි නිවසින් පිටතට පියවර තැබූ එක් අසරණ කාන්තාවකට මුහුණ දීමට සිදු වූයේ සිතා ගැනීමට පවා නොහැකි අතිශය දරුණු ඉරණමකටයි. නිමේෂයකින් සිදුවූ ඒ බියකරු සිදුවීමත් සමඟ මුළු මහත් ප්රදේශයම දැඩි කම්පනයකට පත්ව ඇත්තේ මිනිස් ජීවිතයක් මෙතරම් අනාරක්ෂිතද යන බරපතල ප්රශ්නාර්ථය ජනතාව හමුවේ ඉතිරි කරමිනි.
වෙල්ලාවලි, පුරවනිඅඩිඋත්තු ප්රදේශයෙන් වාර්තා වන මෙම ඛේදවාචකයට ගොදුරු වී ඇත්තේ තික්කොඩිය ප්රදේශයේ පදිංචිව සිටි 55 හැවිරිදි වියේ පසුවූ කාන්තාවකි. ඇය නිවසින් පිටතට පැමිණි අවස්ථාවේදී එහි රැක සිටි වන අලියෙකු විසින් මෙම මාරක පහරදීම සිදු කර ඇති බව පොලීසිය තහවුරු කරයි. පාලනය කරගත නොහැකි ලෙස උත්සන්න වී ඇති අලි – මිනිස් ගැටුම හමුවේ තවත් එක් අහිංසක ජීවිතයක් මෙලෙස නිමාවී ඇත්තේ ගම්මානයම ලේ කඳුළින් තෙත් කරමිනි.
දිනෙන් දින උත්සන්න වන වන අලි තර්ජනය හමුවේ සාමාන්ය ජනතාවට තමන්ගේ නිවස තුළ පවා නිදහසේ සිටීමට ඇති අයිතිය අද වන විට අභියෝගයට ලක්ව තිබේ. වෙල්ලාවලි පොලීසිය මේ පිළිබඳ වැඩිදුර විමර්ශන ආරම්භ කර තිබුණද, අහිමි වූ ඒ වටිනා ජීවිතය නැවත කිසිදා ලබාගත නොහැකිය. ගම්මාන කරා වන අලින් කඩා වැදීමේ මෙම භීෂණයට ස්ථිර විසඳුමක් ලැබෙන තෙක් තවත් කී දෙනෙකුට මෙවැනි අවාසනාවන්ත ඉරණමකට මුහුණ දීමට සිදුවේද යන්න කාගේත් අවධානය යොමු විය යුතු බරපතලම කාරණයයි.
