සැම්සුන් සමූහයේ අභාවප්රාප්ත හිටපු සභාපති ලී කුන්-හී (Lee Kun-hee) මහතාගේ දේපළවලට අදාළව නියම කර තිබූ වොන් ට්රිලියන 12ක (ඇමෙරිකානු ඩොලර් බිලියන 8.7ක් පමණ) උරුම බදු මුදල ගෙවා අවසන් කළ බව ඔහුගේ උරුමක්කාරයින් ප්රකාශ කර ඇත.
2021 වසරේ සිට වසර පහක් පුරා වාරික හයකින් මෙම බදු මුදල ගෙවා අවසන් කර තිබේ. මීට සැම්සුන් ඉලෙක්ට්රොනික්ස් සභාපති ලී ජේ-යොං ඇතුළු උරුමක්කාරයින් පිරිසක් දායක විය. මෙය දකුණු කොරියානු ඉතිහාසයේ පුද්ගලයෙකු ගෙවූ විශාලතම උරුම බදු මුදල ලෙස වාර්තා වේ. මෙම මුදල දකුණු කොරියාවේ 2024 වසරේ සමස්ත උරුම බදු ආදායමට වඩා 50%කින් පමණ වැඩි අගයකි.
බදු ගෙවීමට අමතරව වොන් ට්රිලියන 1ක මුදලක් සෞඛ්ය ක්ෂේත්රය වෙනුවෙන් පරිත්යාග කර ඇත. ඉන් වොන් බිලියන 700ක් බෝවන රෝග පිළිබඳ විශේෂිත රෝහලක් ඉදිකිරීමට සහ පර්යේෂණ සඳහා වෙන් කර තිබේ. වොන් බිලියන 300ක මුදලක් ළමා පිළිකා සහ දුර්ලභ රෝගවලින් පෙළෙන දරුවන්ට සහනයක් සැලසීම සඳහා වෙන් කර ඇත.
ජාතික වස්තූන් ලෙස සැලකෙන කලා කෘති ඇතුළු නිර්මාණ 23,000ක් පමණ සමාජයට නැවත පරිත්යාග කර තිබේ. මෙම ‘ලී කුන්-හී එකතුව’ (Lee Kun-hee Collection) ප්රදර්ශන සඳහා 2024 වන විට මිලියන 3.5කට අධික පිරිසක් සහභාගී වී ඇත. මෙම එකතුව දැනට ඇමරිකාවේ චිකාගෝ කලායතනයේ ප්රදර්ශනය කෙරෙන අතර 2026 ඔක්තෝබර් මාසයේදී බ්රිතාන්ය කෞතුකාගාරය වෙත රැගෙන යාමට නියමිතය.
