කේරළ ප්රාන්ත සභා මැතිවරණයෙන් සී.පී.අයි.එම්. (CPI-M) ප්රමුඛ වාම ප්රජාතන්ත්රවාදී පෙරමුණ (LDF) පරාජයට පත්වීමත් සමඟ වසර 50 කට පසු ඉන්දියාවේ කිසිදු වාමවාදී පාලනයක් නොමැති තත්ත්වයක් උදාවී තිබේ.
අප්රේල් 09 වනදා පැවති ප්රාන්ත සභා මැතිවරණයේ ඡන්ද ගණන් කිරීමේ මූලික ප්රතිඵල අනුව කොංග්රස් පක්ෂය ප්රමුඛ එක්සත් ප්රජාතන්ත්රවාදී පෙරමුණ (UDF) ඉදිරියෙන් පසුවේ. ආසන 140 කින් යුත් කේරළ ප්රාන්ත සභාවේ ආසන 100 ක බලය UDF සන්ධානය වෙත හිමිවෙමින් පවතින අතර, පාලක LDF සන්ධානයට හිමිව ඇත්තේ ආසන 40 ක් පමණි.
පිනරායි විජයියන්ගේ නායකත්වයෙන් යුත් මෙම වාමවාදී රජය ඉන්දියාවේ පැවති අවසන් කොමියුනිස්ට් පාලනය විය. 1977 වසරෙන් පසු ඉන්දියාවේ කොමියුනිස්ට් මහ ඇමතිවරයෙකු නොමැති පළමු අවස්ථාව මෙය ලෙස ඉතිහාසයට එක්වේ. මීට පෙර බටහිර බෙංගාලය (වසර 34 ක්) සහ ත්රිපුරාව (1993-2018) යන ප්රාන්තවල ද වාමවාදී පාලනයන් පැවති අතර ඒවා පිළිවෙලින් TMC සහ BJP පක්ෂ හමුවේ පරාජයට පත්විය.
2009 ලෝක සභා මැතිවරණයෙන් පසු ඉන්දීය දේශපාලනය තුළ වාමවාදී බලවේග අඛණ්ඩව පසුබෑමකට ලක්වූ අතර, මෙම කේරළ පරාජයත් සමඟ ඉන්දියාවේ ප්රාන්ත මට්ටමේ වාමවාදී පාලන යුගය අවසන් වී ඇත.
