මාලදිවයින් ජනාධිපති මොහොමඩ් මුයිසු මහතා කොළඹදී පැවති විශේෂ ව්යාපාරික සංසදයකට එක්වෙමින් ශ්රී ලංකාව සහ මාලදිවයින අතර පවතින සබඳතාව පිළිබඳව අතිශය සාධනීය ප්රකාශයක් සිදු කර තිබේ.
ශ්රී ලංකාව යනු හුදු අසල්වැසි රටක් පමණක් නොව, මාලදිවයිනේ සමීපතම සගයෙකු සහ සහෝදර රාජ්යයක් ලෙස තමන් සලකන බව ජනාධිපතිවරයා මෙහිදී අවධාරණය කළේය. දෙරට අතර පවතින ඓතිහාසික, සංස්කෘතික සහ ආර්ථික සබඳතා තවදුරටත් ශක්තිමත් කරගැනීමේ අවශ්යතාවය ද ඔහු මෙහිදී පෙන්වා දුන්නේය.
විශේෂයෙන්ම වෙළඳ, සංචාරක සහ ආයෝජන යන ක්ෂේත්රයන්හි නව අවස්ථා උදාකර ගැනීම සඳහා දෙරටේම ව්යාපාරික ප්රජාව එක්ව කටයුතු කළ යුතු බවත්, ඒ සඳහා අවශ්ය සහයෝගය ලබාදීමට මාලදිවයින් රජය සූදානම් බවත් ඔහු පැවසීය. මාලදිවයිනේ ආර්ථික සංවර්ධනය සඳහා ශ්රී ලාංකික ව්යවසායකයින් ලබාදෙන දායකත්වය අගය කළ ජනාධිපතිවරයා, ඉදිරියේදීත් එවැනි ආයෝජන දිරිමත් කරන බව ප්රකාශ කළේය.
