තිරසර බැංකුකරණය වෙනුවෙන් දක්වන ලද සුවිශේෂී දායකත්වය අගයමින් ‘ග්ලෝබල් ෆයිනෑන්ස්’ සඟරාව විසින් සංවිධානය කරන ලද 6 වන වාර්ෂික තිරසර මූල්ය සම්මාන උළෙලේදී, ආසියා පැසිෆික් කලාපයේ චක්රීය ආර්ථික කැපවීම වෙනුවෙන් පිරිනමනු ලබන සම්මානය කොමර්ෂල් බැංකුව දිනාගෙන තිබේ. ලන්ඩන් නුවර පැවැති මෙම උත්සවයේදී කොමර්ෂල් බැංකුවේ ප්රධාන අවදානම් කළමනාකරණ නිලධාරී කපිල හෙට්ටිහාමු මහතා විසින් සම්මානය ලබා ගන්නා ලදී. ද්රව්ය නැවත භාවිතය, පාරිසරික තිරසරභාවය සහ දේශගුණික බලපෑම්වලට ප්රතිරෝධී මූල්ය විසඳුම් ලබා දීම සම්බන්ධයෙන් බැංකුව දැක්වූ නායකත්වය මෙහිදී ඇගයීමට ලක්ව ඇත.
කොමර්ෂල් බැංකුව අනුගමනය කරන හරිත මූල්යකරණ ප්රතිපත්තිය ශ්රී ලංකා මහ බැංකුවේ හරිත වර්ගීකරණයට සහ එක්සත් ජාතීන්ගේ තිරසර සංවර්ධන ඉලක්කවලට අනුකූලව සකස් කර ඇත. එමඟින් පුනර්ජනනීය බලශක්ති ව්යාපෘති, බලශක්ති කාර්යක්ෂමතාව ඉහළ නැංවීම, දේශගුණික හිතකාමී කෘෂිකර්මාන්තය, තිරසර ප්රවාහනය, අපද්රව්ය කළමනාකරණය සහ හරිත ගොඩනැගිලි නිර්මාණය වැනි ක්ෂේත්ර සඳහා ප්රමුඛතාව ලබා දෙයි.
ශ්රී ලංකාවේ පුද්ගලික අංශයේ විශාලතම ණය දෙන්නා මෙන්ම කුඩා හා මධ්ය පරිමාණ ව්යාපාර සඳහා වැඩිම සහයෝගයක් ලබා දෙන බැංකුව වන්නේ ද කොමර්ෂල් බැංකුවයි. ඇමරිකානු ඩොලර් බිලියන 1 ඉක්මවූ වෙළඳපල ප්රාග්ධනීකරණයක් සහිත පළමු ශ්රී ලාංකික බැංකුව වන මෙය, මෙරට පරිසරයට මුදාහරින කාබන් ප්රමාණය 100%ක් තුලනය කළ ප්රථම බැංකුව ලෙසද වාර්තා අතරට එක් වේ. දැනට දිවයින පුරා ශාඛා 272ක් ක්රියාත්මක වන අතර බංග්ලාදේශය, මාලදිවයින, මියන්මාරය සහ ඩුබායි යන රටවලද සිය සේවා ව්යාප්ත කරමින් ශ්රී ලාංකික බැංකුවක් තැබූ පුළුල්ම ජාත්යන්තර සබඳතාව ගොඩනැගීමට කොමර්ෂල් බැංකුව සමත්ව ඇත.
