විදේශ සම්පත් දෙපාර්තමේන්තුවේ නියෝජ්ය අධ්යක්ෂ රංග රාජපක්ෂ මහතාගේ මරණය සම්බන්ධයෙන් තමන් සිදුකළ ප්රකාශය සාක්ෂි සහිතව ඔප්පු කිරීමට සූදානම් බව පිවිතුරු හෙළ උරුමයේ නායක උදය ගම්මන්පිල මහතා අවධාරණය කරයි. ඊයේ පැවැති මාධ්ය හමුවකදී අදහස් දක්වමින් ඔහු කියා සිටියේ ජනාධිපතිවරයා මැයි දින රැළියේදී සිදුකළ ප්රකාශ හරහා අධිකරණයට බලපෑම් සිදුව ඇති බවයි. මෙම සිදුවීම සම්බන්ධයෙන් ප්රකාශයක් ලබාදීම සඳහා ලබන 9 වනදා උදෑසන 10ට කුලියාපිටිය පොලිසිය හමුවේ පෙනී සිටින ලෙස තමන්ට දැනුම් දී ඇති අතර එදිනට තමන් සතු සාක්ෂි ද රැගෙන යන බව ඔහු ප්රකාශ කළේය. 2026 මැයි 01 වනදා සෞඛ්ය සේවා අධ්යක්ෂ ජනරාල්වරයා විසින් නිකුත් කරන ලද ලිපියක් උපුටා දක්වමින් ඔහු කියා සිටියේ රංග රාජපක්ෂ මහතාගේ මරණය සැකකටයුතු බව ඔහුගේ බිරිඳ විසින් දැනුම් දී ඇති බව එම ලිපියේ පැහැදිලිවම සඳහන් වන බවයි. පොලිස් මාධ්ය ප්රකාශකවරයා තමන් කළ ප්රකාශය වැරදි බව පැවසුවද තමන් කිසිවිටකත් හිතලු මත පදනම්ව කතා නොකරන බවත් ආණ්ඩුවට උත්තර නැති ප්රශ්න අසන නිසා තමන්ව සිරගත කිරීමට උත්සාහ කරන බවත් ඔහු වැඩිදුරටත් පැවසීය.
