විශ්රාම යාමට පෙර පැවැති සිය අවසාන මෝසම් සංසදය අමතමින් කාලගුණ විද්යා දෙපාර්තමේන්තුවේ අධ්යක්ෂ ජනරාල් අතුල කරුණානායක මහතා ඉදිරි කාලගුණ තත්ත්වය පිළිබඳව වැදගත් අනාවැකියක් පළ කර තිබේ. මැයි මස අග භාගයේ සිට ආරම්භ වන නිරිතදිග මෝසම් කාලසීමාව තුළ දිවයිනේ නිරිතදිග කොටසට සාමාන්ය හෝ සාමාන්යයට වඩා වැඩි වර්ෂාපතනයක් අපේක්ෂා කළ හැකි බව පෙන්වා දුන් ඒ මහතා, මෝසම් වැසි සමඟ ඇති විය හැකි නායයෑම් සහ ගංවතුර අවදානම පිළිබඳව ජනතාව සහ අදාළ අංශ දැඩි අවධානයෙන් පසුවිය යුතු බව අවධාරණය කළේය.
ගෝලීය දේශගුණික විපර්යාස හමුවේ කාලගුණ රටාවන් වෙනස් වෙමින් පවතින බැවින් පූර්ව අනතුරු ඇඟවීම් කෙරෙහි විශ්වාසය තැබීමේ වැදගත්කම සිහිපත් කළ අධ්යක්ෂ ජනරාල්වරයා, මෙය තමන් සහභාගී වන අවසාන මෝසම් සංසදය බවත් වසර 34ක දීර්ඝ රාජ්ය සේවයකින් පසු තමා ඉතාමත් තෘප්තිමත් ලෙස විශ්රාම ගන්නා බවත් සංවේදීව ප්රකාශ කර සිටියේය. සිය සේවා කාලය තුළ කාලගුණ විද්යා දෙපාර්තමේන්තුව නවීකරණය කිරීමටත් මහජනතාවට වඩාත් නිවැරදි තොරතුරු සැපයීමටත් ඔහු ගත් උත්සාහය මෙහිදී කාගේත් අගය කිරීමට ලක් විය.
