දෙණියාය, කොටපොල සෞඛ්ය වෛද්ය නිලධාරී කාර්යාල බලප්රදේශයෙන් වාර්තා වූ උණ රෝගය “වෛරස් මෙනින්ජයිටිස්” (Viral Meningitis) තත්ත්වයක් බව සෞඛ්ය අමාත්යාංශයේ වසංගත රෝග විද්යා අංශයේ විශේෂඥ වෛද්ය පාලිත කරුණාපේම මහතා තහවුරු කරයි.
පසුගිය මාසය තුළ මෙම වෛරසය ආසාදනය වූ රෝගීන් 47 දෙනෙකු වාර්තා වී ඇති අතර, ඔවුන්ගෙන් බහුතරය අවුරුදු 14ත් 15ත් අතර වයස්වල පසුවන පාසල් දරුවන්ය. උණ, තද හිසරදය සහ වමනය මෙම රෝගයේ ප්රධාන රක්ෂණ වේ. ආසාදිත සියලු දෙනා දෙණියාය මූලික රෝහලෙන් ප්රතිකාර ලබා ඇති අතර, ඔවුන්ගෙන් බහුතරයක් මේ වන විට පූර්ණ සුවය ලබා නිවෙස් බලා ගොස් තිබේ.
මෙම වෛරසය අපිරිසිදු ජලය හෝ ආහාර මගින් ව්යාප්ත වී ඇති බවට සැක කෙරේ. එබැවින් දෙණියාය ප්රදේශයේ ජනතාවට උණු කර නිවාගත් ජලය පානය කරන ලෙසත්, පිරිසිදු ආහාර ලබා ගන්නා ලෙසත් සෞඛ්ය අංශ අවධාරණය කරයි.
රෝගය පැතිරයාම මේ වන විට පාලනය වී ඇති බැවින් ඒ පිළිබඳව අනියත බියක් ඇති කර නොගත යුතු බව වෛද්ය පාලිත කරුණාපේම මහතා වැඩිදුරටත් සඳහන් කළේය. කෙසේ වෙතත්, යම් අයෙකුට ඉහත රෝග ලක්ෂණ පෙන්නුම් කරන්නේ නම් වහාම වෛද්ය උපදෙස් ලබා ගන්නා ලෙස දැනුම් දී ඇත.
