නුගේගොඩ සමුද්රදේවි බාලිකා විද්යාලයේ 111 වන අභිමානවත් සංවත්සරය නිමිත්තෙන් සංවිධාන කළ විශේෂ සර්වරාත්රික පිරිත් පිංකමක් පසුගියදා විද්යාල පරිශ්රයේදී උත්කර්ෂවත් අයුරින් පැවැත්විණි. විදුහල්පති විනෝද්යා විජේසූරිය මහත්මිය සහ ප්රාථමික අංශයේ විදුහල්පති අචලා ඉද්දමල්ගොඩ මහත්මියගේ මූලිකත්වයෙන් සංවිධානය වූ මෙම පුණ්යකර්මය සඳහා ආදි සිසුන්, දෙමාපියන් සහ වත්මන් සිසුවියන් විශාල පිරිසක් සහභාගී වූහ. මෙහිදී විද්යාලය වෙනුවෙන් ඉඩම පරිත්යාග කළ ඩී.ඩී. ජයසිංහ මහතා ඇතුළු විද්යාලයේ දියුණුව වෙනුවෙන් කැපවී දැයෙන් සමුගත් සියලුම දෙනාට පින් පැමිණවීම සිදුකළ අතර විදුහල්පතිනිය ඇතුළු ආචාර්ය මණ්ඩලයටත්, අධ්යාපනය ලබන දියණිවරුන්ටත් සෙත් පතා ආශිර්වාද එක් කිරීම මෙහිදී විශේෂත්වයක් විය. වසර සියවසකට අධික කාලයක් මෙරට ස්ත්රී අධ්යාපනය වෙනුවෙන් සුවිශේෂී මෙහෙවරක් ඉටුකරන සමුද්රදේවි බාලිකාව සිය 111 වන සැමරුම මෙලෙස ආගමික වතාවත්වලට මුල්තැන දෙමින් අර්ථවත්ව සමරනු ලැබීය.
