නිල සංචාරයක් සඳහා ඉතාලියට පැමිණි ඇමෙරිකානු රාජ්ය ලේකම් මාර්කෝ රුබියෝ මහතා, වතිකානයේදී 14 වැනි ලියෝ පාප්තුමන් හමුවී සාකච්ඡා පවත්වා තිබේ. ඇමෙරිකා-ඉරාන යුද්ධය සම්බන්ධයෙන් ජනාධිපති ඩොනල්ඩ් ට්රම්ප් සහ පාප්තුමන් අතර ඇති වී තිබෙන මතභේදාත්මක තත්ත්වය හමුවේ මෙම හමුව සිදුවීම විශේෂත්වයකි.
පළමු ඇමෙරිකානු ජාතික පාප්තුමා ලෙස ඉතිහාසයට එක්ව සිටින 14 වැනි ලියෝ පාප්තුමන්, ආරම්භයේ සිටම ඇමෙරිකා-ඉරාන යුද්ධය විවේචනය කළ අතර, එය ජනාධිපති ට්රම්ප්ගේ දැඩි දෝෂදර්ශනයට ද ලක් විය. පවතින අර්බුදය සාමකාමීව විසඳා ගැනීම සහ වතිකානය හා ඇමෙරිකාව අතර ද්විපාර්ශ්වික සබඳතා වර්ධනය කර ගැනීම සම්බන්ධයෙන් මෙහිදී අවධානය යොමු වී ඇත. ලෝක සාමයේ වැදගත්කම අවධාරණය කළ පාප්තුමන්, පවතින මානුෂීය අර්බුදයන් කෙරෙහි ද රාජ්ය ලේකම්වරයාගේ අවධානය යොමු කර තිබේ.
