ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ දේහය පිළිබඳ අවසන් කටයුතු අද (10) පස්වරුවේ බොරැල්ල පොදු සුසාන භූමියේදී සිදු කෙරිණි. ඥාතීන් සහ හිතවතුන් පිරිසකගේ සහභාගීත්වයෙන් මෙය සිදු වූ අතර, කොල්ලුපිටියේ පිහිටි නිවසකදී සැකකටයුතු ලෙස මියගොස් සිටියදී ඔහුගේ සිරුර පසුගියදා සොයා ගැනුණි.
මෙම ආන්දෝලනාත්මක මරණය සම්බන්ධයෙන් පොලිසිය දැනටමත් පුද්ගලයින් 10 දෙනෙකුගෙන් පමණ ප්රකාශ සටහන් කරගෙන ඇති අතර, මරණයට හේතුව නිශ්චිතව හඳුනාගැනීම සඳහා පංච පුද්ගල අධිකරණ වෛද්ය කමිටුවක් මගින් පරීක්ෂණ පවත්වා ඇත. රසායනාගාර පරීක්ෂණ වාර්තා ලැබුණු පසු මරණයට නිශ්චිත හේතුව ප්රකාශයට පත් කිරීමට නියමිතය.
එයාර් බස් ගුවන් යානා මිලදී ගැනීමේදී ඩොලර් මිලියන 2ක අල්ලස් ලබාගැනීමේ චෝදනාවට ලක්ව සිටි කපිල චන්ද්රසේන මහතා, ඇප කොන්දේසි කඩ කිරීම හේතුවෙන් අධිකරණයෙන් වරෙන්තු නිකුත් කර තිබූ පසුබිමක මෙලෙස මියයාම විශේෂත්වයකි. සිද්ධිය සම්බන්ධයෙන් පොලිස් කණ්ඩායම් කිහිපයක් වැඩිදුර විමර්ශන මෙහෙයවනු ලබයි.
