ශ්රී ලංකාව සහ පකිස්ථානය අතර පවතින නිදහස් වෙළඳ ගිවිසුම (FTA) වඩාත් ඵලදායී සහ යථාර්ථවාදී මට්ටමකට ගෙන ඒම පිළිබඳව ශ්රී ලංකාවේ වෙළඳ අමාත්යාංශය සහ කරච්චි වාණිජ හා කර්මාන්ත මණ්ඩලය අතර විශේෂ සාකච්ඡාවක් පවත්වා තිබේ. වෙළඳ, වාණිජ හා ආහාර සුරක්ෂිතතා අමාත්ය වසන්ත සමරසිංහ මහතා සහ කරච්චි වාණිජ මණ්ඩලයේ නියෝජිත පිරිසක් අතර පසුගිය සති අන්තයේ පැවති මෙම හමුවේදී දෙරට අතර වෙළඳ සබඳතා වර්ධනය කරගැනීම පිළිබඳව දීර්ඝ ලෙස අවධානය යොමු විය. එහිදී ශ්රී ලංකාවේ නිෂ්පාදිත අන්නාසි, අලිගැටපේර සහ තැඹිලි වැනි පළතුරු සඳහා පකිස්ථාන වෙළඳපොළ තුළ වැඩි අවස්ථාවක් ලබාදෙන ලෙස අමාත්යවරයා කළ ඉල්ලීමට පකිස්ථාන නියෝජිත පිරිස සිය කැමැත්ත පළ කර ඇති අතර ශ්රී ලංකාවෙන් භාණ්ඩ ආනයනය කිරීමට ඔවුන් දැඩි උනන්දුවක් දක්වන බව ද සඳහන් කළේය. දෙරට අතර වෙළඳාම සහ ආයෝජන ප්රවර්ධනය කිරීමට උපරිම සහය ලබාදෙන බව කරච්චි වාණිජ මණ්ඩලයේ ජ්යෙෂ්ඨ උප සභාපති මුහම්මද් රේසා මහතා මෙහිදී සහතික විය.
