ශ්රී ලංකාවේ ආර්ථිකයට ශක්තියක් වෙමින් කොළඹ වරාය 2026 වසරේ පළමු මාස හතර තුළ සිය බහලුම් මෙහෙයුම්වල කැපීපෙනෙන වර්ධනයක් වාර්තා කර ඇත. ශ්රී ලංකා වරාය අධිකාරියේ දත්තවලට අනුව, 2026 අප්රේල් මාසයේදී පමණක් මෙහෙයුම්වල සියයට 22ක වර්ධනයක් අත්කර ගැනීමට සමත්ව තිබේ.
පසුගිය වසරේ අප්රේල් මාසයට සාපේක්ෂව මෙවර බහලුම් ඒකක (TEU) 761,096ක් මෙහෙයවා ඇති අතර, ජනවාරි සිට අප්රේල් දක්වා සමස්ත මෙහෙයුම් ප්රමාණය බහලුම් ඒකක මිලියන 2.9ක් දක්වා ඉහළ ගොස් ඇත. මෙය වාර්ෂිකව සියයට 13.9ක සැලකිය යුතු වර්ධනයකි.
කොළඹ වරායේ සමස්ත මෙහෙයුම්වලින් සියයට 80කට වඩා වැඩි ප්රමාණයක් ප්රතිඅපනයන (Transshipment) භාණ්ඩ වන අතර, ඉන්දියාවෙන් ලැබෙන තොග භාණ්ඩ මෙහෙයුම් මෙහිදී ප්රධාන තැනක් ගනී. වරායේ ධාරිතාව තවදුරටත් වැඩිකිරීම සඳහා නව ගැන්ට්රි කොක්ක (Gantry Cranes) නවයක් දැනටමත් එක්කර ඇති අතර, ඉදිරි සංවර්ධන කටයුතු හරහා වාර්ෂික ධාරිතාව තවත් ඒකක මිලියන 3කින් ඉහළ නැංවීමට අපේක්ෂිතයි.
ආසියානු සංවර්ධන බැංකුවේ (ADB) සහය ඇතිව ක්රියාත්මක වන මෙම සංවර්ධන සැලසුම් සහ අතිවිශාල නෞකාවලට පැමිණිය හැකි පරිදි සකස් කළ යටිතල පහසුකම් හේතුවෙන්, කලාපයේ කාර්යබහුලම වරායක් ලෙස කොළඹ වරාය තවදුරටත් ඉදිරියටම ගමන් කරමින් සිටියි.
