2026 මැයි මාසයේ මුල් දින 10 තුළ පමණක් සංචාරකයින් 46,606ක් ශ්රී ලංකාවට පැමිණ ඇති බව ශ්රී ලංකා සංචාරක සංවර්ධන අධිකාරිය පවසයි. මෙම කාලසීමාව තුළ වැඩිම සංචාරකයින් පිරිසක් පැමිණ ඇත්තේ ඉන්දියාවෙන් වන අතර එම සංඛ්යාව 18,533කි. එය සමස්ත පැමිණීම්වලින් 40%ක ප්රතිශතයකි. ඉන්දියාවට අමතරව චීනය, එක්සත් රාජධානිය සහ ඔස්ට්රේලියාව යන රටවලින් ද සැලකිය යුතු සංචාරකයින් පිරිසක් මෙරටට පැමිණ ඇත.
වසරේ ආරම්භයේ සිට මේ දක්වා දත්ත සලකා බැලීමේදී, 2026 ජනවාරි 01 සිට මැයි 10 දක්වා කාලය තුළ සංචාරකයින් 922,883ක් මෙරටට පැමිණ තිබේ. එහිදී ද ඉන්දියාව ඉදිරියෙන්ම පසුවන අතර රුසියාව සහ එක්සත් රාජධානිය ද ශ්රී ලංකාවට සංචාරකයින් පැමිණෙන ප්රධාන රටවල් අතර පසුවේ. සංචාරක ක්ෂේත්රයේ මෙම වර්ධනය මෙරට ආර්ථිකයේ ප්රකෘතිමත් වීමට විශාල රුකුලක් වනු ඇතැයි අපේක්ෂිතය.
