ඉහළ ජල පෝෂක ප්රදේශවලට ඇදහැලෙන අධික වර්ෂාව හේතුවෙන් රාජාංගණ සහ අංගමුව ජලාශවල ජල මට්ටම ශීඝ්රයෙන් ඉහළ ගොස් ඇති අතර, මේ වන විට එම ජලාශවල වාන් දොරටු විවෘත කිරීමට පියවර ගෙන තිබේ.
ජලාශයේ පවතින වාන් දොරටු 30න් 12ක් මේ වන විට විවෘත කර ඇත. ඉන් දොරටු 4ක් අඩි 4ක් බැගින් ද, තවත් දොරටු 4ක් අඩි 5ක් බැගින් ද සහ ඉතිරි දොරටු 4 අඩි 6ක් බැගින් ද විවෘත කර තිබේ. ඒ අනුව තත්පරයට ඝන අඩි 14,565ක ජල කඳක් කලා ඔයට මුදා හැරෙන බව වාරි ඉංජිනේරු සම්පත් සමරජීව මහතා පවසයි.අංගමුව ජලාශයේ වාන් දොරටු දෙකක් ද අඩි එක බැගින් විවෘත කර ඇති අතර එම ජලය ලුණු ඔයට මුදා හැරේ.
අයහපත් කාලගුණික තත්ත්වය තවදුරටත් පැවතියහොත් තවත් වාන් දොරටු විවෘත කිරීමට ඉඩ ඇති බැවින්, කලා ඔය ආශ්රිත පහත් බිම්වල ජීවත් වන ජනතාව දැඩි අවධානයෙන් සහ ආරක්ෂාකාරීව පසුවන ලෙස බලධාරීහු ඉල්ලා සිටිති.
