අධික වර්ෂාව හේතුවෙන් දක්ෂිණ අධිවේගී මාර්ගයේ වැලිපැන්න අන්තර් හුවමාරුවේ අලුත්ගම – මතුගම මාර්ගය ජලයෙන් යටවීම නිසා එම ස්ථානයේ ගමනාගමනයට බාධා එල්ල වී තිබේ. මේ හේතුවෙන් කොළඹ දෙසට ඇතුළුවීමේ දොරටුව, කොළඹ දෙස සිට පැමිණෙන වාහන පිටවීමේ දොරටුව සහ ගාල්ල දෙස සිට පැමිණෙන වාහන පිටවීමේ දොරටුව සැහැල්ලු වාහන සඳහා තාවකාලිකව වසා දැමීමට පොලීසිය පියවර ගෙන ඇත.
කෙසේ වෙතත් ගාල්ල දෙසට ඇතුළුවීමේ දොරටුව සියලුම වාහන සඳහා විවෘතව පවතින බව ද පොලීසිය වැඩිදුරටත් දැනුම් දෙයි. මාර්ගය ජලයෙන් යටවීම නිසා සිදුවිය හැකි අනතුරු වළක්වා ගැනීම සඳහා රියදුරන් විකල්ප මාර්ග භාවිත කරන ලෙස හෝ දැඩි අවධානයෙන් යුතුව රිය පදවන ලෙස උපදෙස් දෙනු ලැබේ.
