මෙරට නිදහස් මාධ්ය කලාවට සහ විමර්ශනාත්මක පුවත් වාර්තාකරණයට එල්ල වූ බරපතළ අභියෝගයක් හමුවේ, ප්රමුඛතම විමර්ශනාත්මක වෙබ් අවකාශයක් වන ‘හරි දේශය’ වෙබ් අඩවිය අදාළ පාර්ශවයන්ට එරෙහිව දැඩි නීතිමය පියවර ගැනීමට තීරණය කර තිබේ. විමර්ශනාත්මක මාධ්යවේදයේ නිරත වෙමින් සත්යය හෙළිදරව් කරන මාධ්ය ආයතන නිහඬ කරවීමට ඇතැම් බලගතු ආයතන ගන්නා උත්සාහයන් පිළිබඳව මෙම සිදුවීමත් සමඟ සමාජය තුළ දැඩි කතාබහක් නිර්මාණය වී ඇත.
වාර්තා වන අන්දමට, ප්රධාන පෙළේ පෞද්ගලික බැංකුවක් විසින් ‘හරි දේශය’ වෙබ් අඩවියේ කීර්තිනාමයට හානි කරමින් දියත් කරන ලදැයි පැවසෙන පදනම් විරහිත අපහාසාත්මක ව්යාපාරයකට එරෙහිව මෙම නීතිමය ක්රියාමාර්ගය ගෙන තිබේ. සිය මාධ්ය ආයතනයේ ගෞරවය සුරැකීම වෙනුවෙන් පෙනී සිටින ‘හරි දේශය’ ප්රධාන කර්තෘ එම්. මුආස් මොහොමඩ් මහතා, අදාළ බැංකුවෙන් රුපියල් මිලියන 100ක වන්දි මුදලක් ඉල්ලා සිය නීතිඥවරුන් මාර්ගයෙන් එන්තරවාසියක් (Letter of Demand) යොමු කර ඇත.
ආයතනික බලය යොදාගෙන මාධ්යවේදීන් බිය ගැන්වීමට හෝ සත්ය පුවත් යටපත් කිරීමට දරන මෙවැනි උත්සාහයන් හමුවේ පසුබට නොවන බව මෙම නීතිමය ක්රියාමාර්ගය හරහා ‘හරි දේශය’ කණ්ඩායම අවධාරණය කරයි. මාධ්ය නිදහස සහ වගකීම් සහගත වාර්තාකරණය වෙනුවෙන් පෙනී සිටින සියලු දෙනාගේ අවධානය යොමුව ඇති මෙම නඩුව, ඉදිරියේදී මෙරට මාධ්ය ක්ෂේත්රයේ සහ ආයතනික සන්නිවේදනයේ අතිශය තීරණාත්මක හැරවුම් ලක්ෂ්යයක් වනු නොඅනුමානය.
