දිවයින පුරා පවතින අයහපත් කාලගුණික තත්ත්වය හේතුවෙන් දිස්ත්රික්ක 7ක නිවාස 88කට අර්ධ හානි සිදුව ඇති බව ආපදා කළමනාකරණ මධ්යස්ථානය නිවේදනය කරයි. මින් වැඩිම බලපෑමක් එල්ල වී ඇත්තේ කළුතර දිස්ත්රික්කයට වන අතර එහි නිවාස 40ක් අර්ධ හානියට ලක්ව ඇත. මීට අමතරව මඩකලපුව (25), රත්නපුර (9), ගාල්ල (5), කොළඹ (5) සහ මොනරාගල (4) යන දිස්ත්රික්කවලින් ද නිවාස හානි වාර්තා වේ. පවතින අවදානම් තත්ත්වය හේතුවෙන් පවුල් 29කට අයත් පුද්ගලයින් 104 දෙනෙකු මේ වන විට සුරක්ෂිත මධ්යස්ථාන දෙකක රඳවා සිටින බව ද එම මධ්යස්ථානය වැඩිදුරටත් සඳහන් කරයි.
