ගම්පහ දිස්ත්රික් ලේකම් කාර්යාලීය සංකීර්ණයේ අභිනවයෙන් ඉදි කරන ලද, සියලු නවීන පහසුකම්වලින් සමන්විත “අග්රා” ශ්රවණාගාරය අද (15) උත්සවාකාරයෙන් විවෘත කෙරුණි. දිස්ත්රික්කයේ විශාලතම ශ්රවණාගාරය වන මෙය, කලා හා සංස්කෘතික කටයුතු මෙන්ම රාජ්ය උත්සව සඳහා මධ්යස්ථානයක් ලෙස භාවිත කිරීමට නියමිතය.ආසන 1000කින් සමන්විත වන අතර මීටර් 24ක් දිග සහ මීටර් 12ක් පළල වේදිකාවකින් යුක්ත වේ.අති නවීන ශබ්ද පාලන, වේදිකා ආලෝකකරණ, ශ්රව්ය දෘශ්ය සහ භාෂා පරිවර්තන පහසුකම්වලින් සමන්විතය.නාට්ය හා ප්රාසාංගික කටයුතු සඳහා අංශක 360 පරිදර්ශක සිතුවම් චිත්රණය කළ හැකි සයික්ලොරාමා (Cyclorama) පුළුල් තිරයක් මෙහි ඇතුළත් වේ.ප්රභූ විවේකාගාරයක්, වේශ නිරූපණ ශිල්පීන් සඳහා විවේක කාමර සහ උඩුමහලේ පිහිටි කලාගාරයකින් මෙය සමන්විතය.රාජ්ය පරිපාලන හා ස්වදේශ කටයුතු අමාත්යාංශයේ රුපියල් මිලියන 700ක ප්රතිපාදන යටතේ මෙම ව්යාපෘතිය නිම කර ඇත.මෙම විවෘත කිරීමේ අවස්ථාවට රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය චන්දන අබයරත්න මහතා ප්රධාන ආරාධිතයා ලෙස සහභාගී වූ අතර, නියෝජ්ය අමාත්ය මහින්ද ජයසිංහ මහතා, අමාත්යාංශ ලේකම් ආලෝක බණ්ඩාර මහතා සහ ගම්පහ දිස්ත්රික් ලේකම් ලලින්ද ගමගේ මහතා ඇතුළු රාජ්ය නිලධාරීන් සහ කලාකරුවන් පිරිසක් එක්ව සිටියහ.
