අධිකරණ නියෝග කඩ කිරීම සහ රාජකාරියට බාධා කිරීම ඇතුළු චෝදනා කිහිපයකට අදාළව අධිකරණ තීන්දු කිහිපයක් අද (15) ප්රකාශයට පත් විය.
2022 ජූලි 7 වනදා අධිකරණ නියෝග කඩ කිරීමේ චෝදනාවට අදාළ නඩුව අද කොටුව මහේස්ත්රාත් අධිකරණය හමුවේ කැඳවූ අවස්ථාවේදී හිරුණිකා ප්රේමචන්ද්ර මහත්මිය ඇතුළු දෙදෙනෙකු අධිකරණය හමුවේ පෙනී සිටියේ නැත. ඒ හේතුවෙන් ඔවුන් අත්අඩංගුවට ගෙන අධිකරණයට ඉදිරිපත් කරන ලෙස කොටුව මහේස්ත්රාත් අධිකරණය වරෙන්තු නිකුත් කළේය.
ආරච්චිකට්ටුව ප්රාදේශීය සභාවේ හිටපු සභාපති ජගත් සමන්ත පෙරේරා මහතාට හලාවත මහාධිකරණය විසින් වසර පහමාරක සිර දඬුවම් නියම කරන ලදී.
එවකට ආරච්චිකට්ටුව ප්රාදේශීය ලේකම්වරයාගේ රාජකාරියට බාධා කිරීම, පහර දීම සහ බැන තර්ජනය කිරීම යන චෝදනාවලට ඔහු වරදකරු විය.
වසර පහමාරක සිර දඬුවමට අමතරව ප්රාදේශීය ලේකම්වරයාට රුපියල් ලක්ෂ 10 ක වන්දියක් ගෙවන ලෙස නියම කෙරුණි. එම මුදල නොගෙවන්නේ නම් තවත් මාස 24ක සිර දඬුවම් විදිය යුතු බව අධිකරණ නියෝගයේ සඳහන් වේ.
මූල්ය වංචා සම්බන්ධයෙන් කොල්ලුපිටියේදී අත්අඩංගුවට ගත් වියට්නාම ජාතිකයින් 74 දෙනා ලබන 21 වනදා දක්වා තවදුරටත් රක්ෂිත බන්ධනාගාර ගත කෙරුණි. මොවුන් මීට පෙර කාම්බෝජයෙන්ද පිටුවහල් කළ පිරිසක් බව පොලිසිය අධිකරණයට දැනුම් දුන්නේය. මෙම පිරිසට ආධාර අනුබල දුන් මෙරට කාන්තාවක සිටී නම් ඇය වහාම අත්අඩංගුවට ගන්නා ලෙස මහේස්ත්රාත්වරයා නියෝග කළේය.
ප්රමිතියෙන් තොර ප්රතිදේහ එන්නත් නඩුවේ විත්තිකරුවෙකු වන වෛද්ය කපිල වික්රමනායක මහතා තමන්ට ඇප ලබාදෙන ලෙස ඉල්ලා ගොනුකළ රීට් පෙත්සම ශ්රේෂ්ඨාධිකරණය විසින් ප්රතික්ෂේප කරන ලදී.
