ජාත්යන්තර මූල්ය අරමුදලේ (IMF) විධායක මණ්ඩලය විසින් ශ්රී ලංකාවේ විස්තීර්ණ අරමුදල් පහසුකම (EFF) යටතේ වන පස්වැනි සහ හයවැනි සමාලෝචන ඇගයීමට ලක් කිරීම එළැඹෙන මැයි මස 27 වැනි දින සිදුකිරීමට තීරණය කර ඇත. මෙම සමාලෝචන ද්විත්වය විධායක මණ්ඩලය විසින් සාර්ථකව අනුමත කරනු ලැබුවහොත්, ශ්රී ලංකාවට ඇමරිකානු ඩොලර් මිලියන 700ක පමණ මූල්ය ආධාර වාරිකයක් ලබා ගැනීමට අවස්ථාව හිමිවන බව එම අරමුදල සඳහන් කරයි.
මෙම අනුමැතිය ලබා ගැනීම සඳහා විදුලි සහ ඉන්ධන මිලකරණය, පිරිවැය ආවරණය වන පරිදි (Cost-reflective pricing) අඛණ්ඩව පවත්වාගෙන යෑම තීරණාත්මක පූර්ව ක්රියාමාර්ගයක් බව ජාත්යන්තර මූල්ය අරමුදලේ සන්නිවේදන දෙපාර්තමේන්තුවේ අධ්යක්ෂ ජූලි කොසැක් (Julie Kozack) මහත්මිය පැවසුවාය. එමෙන්ම, මෙම ආර්ථික ප්රතිසංස්කරණ ක්රියාවලිය ඉදිරියට යන අතරතුර සමාජයේ වඩාත්ම අවදානමට ලක්විය හැකි දුප්පත් පාර්ශවයන් ආරක්ෂා කිරීමට අවශ්ය සුභසාධන පියවර ගැනීම ද අත්යවශ්ය කරුණක් බව ඇය එහිදී වැඩිදුරටත් අවධාරණය කළාය.
