නීති විරෝධී ලෙස මෙරටට ගෙන ආ බීඩි කොළ කිලෝග්රෑම් 830කට අධික විශාල තොගයක් මන්නාරම ප්රදේශයේදී නාවික හමුදා භාරයට ගෙන තිබේ. ශ්රී ලංකා නාවික හමුදාවේ උතුරු මැද නාවික විධානයට අයත් “තම්මැන්නා” සහ “ගජබා” යන නාවික ආයතන මඟින් ඉකුත් 15 සහ 16 යන දෙදින තුළ මන්නාරම උතුරු මුහුද සහ නඩුකුඩා වෙරළ තීරය කේන්ද්ර කර ගනිමින් දියත් කළ විශේෂ සෝදිසි මෙහෙයුමකදී මෙම වැටලීම සිදුකර ඇත. එහිදී වෙරළේ දමාගොස් තිබූ සැකකටයුතු උර 12ක් නාවික හමුදා නිලධාරීන් විසින් පරීක්ෂාවට ලක්කර ඇති අතර, ජාවාරම්කරුවන් විසින් නාවික හමුදා මෙහෙයුම් හමුවේ බියෙන් අතහැර දමා පලාගිය බීඩි කොළ කිලෝග්රෑම් 831ක ප්රමාණයක් එහි තිබී සොයාගෙන තිබේ. ස්වාධීන රූපවාහිනී (ITN) පුවත් සේවය වාර්තා කරන පරිදි, නාවික හමුදා භාරයට ගත් මෙම බීඩි කොළ තොගය ඉදිරි ඉදිරි නීතිමය කටයුතු කඩිනමින් සිදුකරන තෙක් දැනට නාවික හමුදාව සන්තකයේ සුරක්ෂිතව තැන්පත් කර ඇත.
