ගෝලීය මූල්ය වෙළෙඳපොළ විශ්ලේෂණය කරන ලොව ප්රමුඛතම ව්යාපාරික මාධ්ය ජාලයක් වන බ්ලූම්බර්ග් (Bloomberg) වෙබ් අඩවිය ශ්රී ලංකාවේ ආර්ථික ගමන්මඟ පිළිබඳව බරපතළ අනතුරු ඇඟවීමක් කරමින් නිවේදනය කර සිටින්නේ මේ මාසය (මැයි) තුළ ආසියානු කලාපයේ නරකම ක්රියාකාරිත්වය පෙන්නුම් කළ මුදල් ඒකකය බවට ශ්රී ලංකා රුපියල පත්ව ඇති බවයි.
බ්ලූම්බර්ග් ආර්ථික දර්ශක සහ වත්මන් වෙළෙඳපොළ දත්ත විශ්ලේෂණය කරමින් නිකුත් කළ නවතම වාර්තාවට අනුව, පසුගිය දින කිහිපය තිස්සේ ඇමෙරිකානු ඩොලරයට සාපේක්ෂව ශ්රී ලංකා රුපියලේ අගය ඉතා වේගයෙන් සහ සැලකිය යුතු මට්ටමකින් අවප්රමාණය වී තිබේ. මෙරට විදේශ විනිමය සංචිතවල පවතින අස්ථාවරත්වය, ආනයන වියදම් ඉහළ යාම සහ ජාත්යන්තර ණය ප්රතිව්යුහගතකරණ ක්රියාවලියේ පවතින මන්දගාමී ස්වභාවය ඇතුළු අභ්යන්තර මූල්ය සාධක කිහිපයක් රුපියල මෙලෙස කඩා වැටීමට සෘජුවම බලපා ඇති බව එම වාර්තාවේ සඳහන් වේ. තවද, පවතින වෙළෙඳපොළ ප්රවණතාවලට අනුව ඉදිරි දින කිහිපය තුළ ද ඩොලරයට සාපේක්ෂව රුපියලේ අගය තවදුරටත් පහත වැටීමේ දැඩි අවදානමක් පවතින බවට ද බ්ලූම්බර්ග් ආර්ථික විශේෂඥයෝ රතු එළි නිකුත් කරති.
