ලොව පුරා කෘත්රිම බුද්ධි තාක්ෂණ ක්ෂේත්රයේ දැවැන්ත පෙරළියක් සිදු කරමින්, පරිශීලකයන්ගේ දෛනික කාර්යයන් ස්වයංක්රීයව සහ ස්වාධීනව සිදු කර දිය හැකි සුවිශේෂී AI මෙවලම් රැසක් නිල වශයෙන් හඳුන්වා දීමට ලෝක ප්රකට Google සමාගම සූදානම් වන බව වාර්තා වේ. Google සමාගමේ වාර්ෂික සංවර්ධක සමුළුව වන “Google I/O” හිදී මෙවර සමස්ත ලෝකයේම අවධානය දිනාගනිමින් ඔවුන්ගේ නවතම මාදිලීන් වන “Gemini 3.5” සහ “Gemini Spark” මාදිලිය එළිදැක්වීමට සියල්ල සූදානම් කර ඇත.
මෙවර සමුළුවේදී ප්රධානතම අවධානය යොමුව ඇත්තේ “ඇජෙන්ටික් AI” (Agentic AI) තාක්ෂණය කෙරෙහි වන අතර, එමඟින් කෘත්රිම බුද්ධි පද්ධති සරලව ප්රශ්නවලට පිළිතුරු දීමට පමණක් සීමා නොවී, පරිශීලකයා වෙනුවෙන් ස්වාධීනව තීරණ ගනිමින් සංකීර්ණ කාර්යයන් රැසක් තනිවම නිම කිරීමේ බලය ලබා ගනී. තාක්ෂණික විශ්ලේෂකයන් පවසන්නේ මෙම නව Gemini මාදිලීන් හරහා ස්මාර්ට් ජංගම දුරකථන සහ පරිගණක භාවිතය සම්පූර්ණයෙන්ම වෙනස්ම මඟකට යොමුවනු ඇති බවයි. විශේෂයෙන්ම එදිනෙදා කාර්යාලීය කටයුතු, දත්ත විශ්ලේෂණය සහ සන්නිවේදන කටයුතු වඩාත් වේගවත් හා කාර්යක්ෂම කිරීමට Google සමාගම හඳුන්වා දෙන මෙම නවතම AI මෙවලම් සමත් වනු ඇතැයි අපේක්ෂා කෙරේ.
