වත්මන් ආණ්ඩුව යටතේ මේ වන විට ආර්ථිකය පමණක් නොව, රටේ සමස්ත පරිපාලනයම කඩා වැටී ඇතැයි සමගි ජන බලවේගයේ කුරුණෑගල දිස්ත්රික් මන්ත්රී ජේ.සී. අලවතුවල මහතා පවසයි.
ආණ්ඩුවේ ක්රියාකලාපය පිළිබඳව අදහස් දක්වමින් මන්ත්රීවරයා කියා සිටියේ, ඩොලරයේ අගය ඉහළ යාම හේතුවෙන් අත්යවශ්ය ආහාර ද්රව්ය ඇතුළු සියලුම ආනයනික භාණ්ඩවල මිල ඉහළ ගොස් ඇති බවයි. එමගින් ජනතාවට දැරිය නොහැකි ජීවන බරක් පටවා ඇති බවත් ඔහු සඳහන් කළේය.
පරිපාලන අංශයේ පවතින ගැටලු පිළිබඳව අදහස් දක්වමින් මන්ත්රීවරයා පෙන්වා දුන්නේ, නිලධාරීන් රාජකාරි කිරීමේදී පසුබෑමකට ලක්ව ඇති බවයි. දේශපාලනඥයන් පැන නගින ගැටලුවලට වගකීම භාර ගැනීම මගහරිමින්, වරදක් සිදු වූ සැණින් එය නිලධාරීන් මත පටවන බැවින් නිලධාරීන් ද වගකීම් ගැනීමට මැලි වන බව ඔහු වැඩිදුරටත් කියා සිටියේය.
රටේ ජනතාව පවතින්නේ අලුත් බලාපොරොත්තු රාශියක් සමග වුවද, එම බලාපොරොත්තු මේ වන විට බිඳ වැටී ඇති බවත්, වේලක් ඇර වේලක් ආහාර ගන්නා පවුල් සංඛ්යාව රට තුළ ඉහළ ගොස් ඇති බවත් ජේ.සී. අලවතුවල මහතා අවධාරණය කළේය.
