ජනාධිපති අනුර කුමාර දිසානායක මහතාගේ මඩකළපුව නිල සංචාරය අතරතුර පැවැති ජනහමුවකින් අනතුරුව, උන්වහන්සේ මෙතෙක් කල් නියෝජනය කළ “රාජපක්ෂ නිකායෙන්” සම්පූර්ණයෙන්ම ඉවත් වී වත්මන් ජනාධිපතිවරයාගේ වැඩපිළිවෙළට සහාය පළ කරන බව මඩකළපුව මංගලාරාමාධිපති පූජ්ය අම්පිටියේ සුමනරතන හිමියන් ප්රකාශ කළහ.
සිය සංචාරය අතරතුර මඩකළපුව ප්රදේශයේ ආගමික නායකයන් සහ ජනතාව මුණගැසුණු ජනාධිපති දිසානායක මහතා සමඟ සෘජු සන්නිවේදනයක් ගොඩනඟා ගැනීමට තමන් වහන්සේ දැඩි උත්සාහයක නිරත වූ බව සුමනරතන හිමියෝ පවසති. නව රජයේ ක්රියාකලාපය සහ ජනාධිපතිවරයා ජනතාව වෙනුවෙන් දක්වන කැපවීම පිළිබඳව පැහැදීමට පත්වූ බවත්, තමන් වහන්සේට මෙවැනි සමීප සාකච්ඡාවකට අවස්ථාවක් ලැබෙනු ඇතැයි මුලින් අපේක්ෂා නොකළ බවත් උන්වහන්සේ සඳහන් කළහ. නැඟෙනහිර පළාතේ ආන්දෝලනාත්මක ප්රකාශ සහ හැසිරීම් හේතුවෙන් නිරන්තරයෙන් දේශපාලන කරළියේ දැඩි කතාබහට ලක්වන අම්පිටියේ සුමනරතන හිමියන්, වත්මන් ජනපතිවරයාගේ සාමකාමී මෙන්ම සමානාත්මතාවය අගය කරන දේශපාලන ගමන්මඟ තහවුරු කිරීම සඳහා ඉදිරියට කටයුතු කරන බව ද වැඩිදුරටත් අවධාරණය කළහ.
