ජාතික පාරිභෝගික මිල දර්ශකයට (NCPI) අනුව 2026 අප්රේල් මාසයේ මෙරට ලක්ෂ්යමය මතුපිට උද්ධමනය (Headline Inflation) 4.7%ක් දක්වා ඉහළ ගොස් ඇති බව ජනලේඛන හා සංඛ්යාලේඛන දෙපාර්තමේන්තුව නිකුත් කළ නවතම වාර්තාවක සඳහන් වේ. පසුගිය 2026 මාර්තු මාසයේදී මෙම අගය 2.4%ක් ලෙස වාර්තා වී තිබූ අතර, අප්රේල් මාසය වන විට එය දෙගුණයකට ආසන්න මට්ටමකින් ඉහළ යාම විශේෂත්වයකි.
මෙලෙස ජාතික උද්ධමනය ශීඝ්රයෙන් ඉහළ යාමට ප්රධාන වශයෙන්ම බලපා ඇත්තේ ආහාර නොවන කාණ්ඩයේ මිල ගණන් ඉහළ යාමයි. වාර්තාවලට අනුව මාර්තු මාසයේදී 3.8%ක් ලෙස සටහන් වූ ආහාර නොවන කාණ්ඩයේ (Non-Food Items) ලක්ෂ්යමය උද්ධමනය, අප්රේල් මාසය වන විට 7.8%ක් දක්වා කැපී පෙනෙන ලෙස ඉහළ ගොස් තිබේ.
මීට අමතරව, මාර්තු මාසයේදී 0.7%ක් ලෙස වාර්තා වූ ආහාර කාණ්ඩයේ (Food Items) ලක්ෂ්යමය උද්ධමනය ද අප්රේල් මාසය වන විට 1.1%ක් දක්වා ඉහළ ගොස් ඇත. උත්සව සමය පැවැති අප්රේල් මාසය තුළ වෙළෙඳපොළේ භාණ්ඩ හා සේවා මිල ගණන් ඉහළ යාම මෙම සමස්ත උද්ධමන වේගය වැඩි වීමට සෘජුවම දායක වී ඇති බව ආර්ථික විශ්ලේෂකයෝ පෙන්වා දෙති.
