බුදු තෙමගුල සමරන මෙවන් මොහොතක, මාතෘභූමියේ සාමය සහ ආරක්ෂාව වෙනුවෙන් නිරතුරුවම කැපවන පොලිස් විශේෂ කාර්ය බලකායේ නිලධාරීන් මෙවර වෙසක් උත්සවය වෙනුවෙන් සිය දායකත්වය ලබා දෙමින් සිටී. වැලිගම, බටවල, පාතේගම ශ්රී පුෂ්පාරාම පුරාණ විහාරස්ථානයේ ස්ථාපිත පොලිස් විශේෂ කාර්ය බලකායේ නිලධාරීන් පිරිසක්, තම රාජකාරී ආයුධ පසෙක තබා මේ දිනවල අතිවිශාල කැරකෙන වෙසක් පහන් කූඩුවක් නිර්මාණය කිරීමේ කටයුතුවල නිරත වෙමින් සිටින අයුරු දැකගත හැකිය.ආරක්ෂක අංශ රණවිරුවන් මෙලෙස ආගමික කටයුතු වෙනුවෙන් උද්යෝගයෙන් දායක වීම සැදැහැවතුන්ගේ මහත් ඇගයීමට ලක්වෙමින් පවතී.
