ශ්රී ලංකාවේ සංචාරක සහ හෝටල් ක්ෂේත්රය ජාත්යන්තර මට්ටමට ඔසවා තබමින්, ලොව සුප්රසිද්ධ ‘2026 Haute Grandeur Global Excellence Awards’ සම්මාන උළෙලේදී කීර්තිමත් ගෝලීය සම්මාන 04ක් දිනා ගැනීමට හිල්ටන් කොළඹ (Hilton Colombo) හෝටලය සමත්ව තිබේ. හෝටල් ක්ෂේත්රයේ විශිෂ්ටත්වය, අද්විතීය සේවා සැපයීම සහ ඉහළම මට්ටමේ සූපශාස්ත්ර අත්දැකීම් (Culinary Experiences) අගයමින් මෙම ඇගයීම් හිමිව ඇත. ලෝකයේ හෝටල් ක්ෂේත්රය තුළ පවත්වනු ලබන වඩාත් ගෞරවාන්විත සහ විනිවිදභාවයකින් යුත් සම්මාන උළෙලක් ලෙස සැලකෙන Haute Grandeur හිදී, හිල්ටන් කොළඹ හෝටලය මෙවර ආසියාවේ ප්රමුඛතම සූපශාස්ත්ර හෝටලය (Leading Culinary Hotel in Asia) ලෙස අභිෂේක ලැබීය. මීට අමතරව ශ්රී ලංකාවේ හොඳම පාරිභෝගික සේවාව සපයන හෝටලය (Best Guest Service in Sri Lanka), ශ්රී ලංකාවේ හොඳම සුඛෝපභෝගී හෝටලය (Best Luxury Hotel in Sri Lanka) සහ ශ්රී ලංකාවේ වඩාත්ම සුවිශේෂී පාරිභෝගික අත්දැකීමක් ලබාදෙන හෝටලය (Most Unique Guest Experience in Sri Lanka) යන විශිෂ්ටතම දේශීය සම්මාන ත්රිත්වයම තමන් සතු කර ගැනීමට ද හිල්ටන් කොළඹ හෝටලය සමත් විය.
මෙම සම්මාන උළෙලේ ඇති විශේෂත්වය වන්නේ කිසිදු විනිශ්චය මණ්ඩලයක තීරණයකින් තොරව, හෝටල් වෙත පැමිණි දෙස් විදෙස් අමුත්තන් ලබාදුන් සැබෑ ප්රතිචාර සහ ඇගයීම් (Guest Feedback) පමණක් පදනම් කරගනිමින් ජයග්රාහකයන් තේරීමයි. මේ හේතුවෙන් හිල්ටන් කොළඹ හෝටලය සපයන ලෝක මට්ටමේ සේවාවන් මෙහිදී නැවත වරක් ජාත්යන්තරව සනාථ වී තිබේ.
මෙම ඓතිහාසික ජයග්රහණය සම්බන්ධයෙන් අදහස් දක්වමින් හිල්ටන් ශ්රී ලංකා කලාපීය සාමාන්යාධිකාරී සහ හිල්ටන් කොළඹ හෝටලයේ සාමාන්යාධිකාරී මනීෂ් ප්රනාන්දු මහතා සඳහන් කළේ, ගෝලීය වේදිකාවක මෙලෙස කාණ්ඩ කිහිපයකින්ම ඇගයීමට ලක්වීම සැබවින්ම ආඩම්බරයට කරුණක් බවයි. මෙම සම්මාන සියල්ලම තම කාර්ය මණ්ඩලයේ කැපවීම, උනන්දුව සහ දිනපතා ඔවුන් සපයන විශිෂ්ට සේවාවේ ප්රතිඵලයක් බවත්, ඉදිරියටත් කොළඹ නගරය ලෝක සංචාරක සහ සූපශාස්ත්ර සිතියමේ ඉහළින්ම රඳවා ගැනීමට හිල්ටන් සමූහය අඛණ්ඩව කටයුතු කරන බවත් හෙතෙම වැඩිදුරටත් කියා සිටියේය.
