ලංකාවේ නිදහස් අධ්යාපන පද්ධතිය තුළ පවතින විෂමතා සහ බෙදීම් සම්පූර්ණයෙන්ම තුරන් කර, නගරයේ මෙන්ම ගමේ පාසල් අතර ද සමානාත්මතාවය තහවුරු කිරීම අධ්යාපන ප්රතිසංස්කරණවල ප්රධානතම අරමුණ විය යුතු බව විපක්ෂ නායක සජිත් ප්රේමදාස මහතා ප්රකාශ කර සිටියි. පාර්ලිමේන්තු මන්ත්රී හේෂා විතානගේ මහතාගේ සභාපතීත්වයෙන් යුත් අධ්යාපනය පිළිබඳ ආංශික අධීක්ෂණ කාරක සභාව (Sectoral Oversight Committee on Education) අමතමින් විපක්ෂ නායකවරයා මේ බව අවධාරණය කළේය.එහිදී ඒ මහතා පෙන්වා දුන්නේ වත්මන් ගෝලීය රැකියා වෙළඳපොළ ජය ගැනීම සඳහා තොරතුරු හා සන්නිවේදන තාක්ෂණ අධ්යාපනය (ICT Education) ප්රාථමික අවධියේ සිටම දරුවන්ට ලබා දිය යුතු බවයි. දැනට මෙරට පාසල් පද්ධතිය තුළ තොරතුරු තාක්ෂණය විෂයයක් ලෙස ඉගැන්වීම ආරම්භ කරනු ලබන්නේ 6 වන ශ්රේණියේ සිට වුව ද, ඉදිරියේදී සමගි ජන බලවේග ($SJB$) රජයක් යටතේ 1 ශ්රේණියේ සිට 13 ශ්රේණිය දක්වා වන සියලුම සිසුන් සඳහා තොරතුරු තාක්ෂණය අනිවාර්ය විෂයයක් (Compulsory Subject) බවට පත් කරන බව ද ඔහු පැවසීය.විශේෂයෙන්ම මෙම විෂයය සිංහල හෝ දෙමළ මව්භාෂාවලින් පමණක් හැදෑරීම ප්රායෝගික නොවන බවත්, තාක්ෂණික ලෝකය සමඟ ඉදිරියට යාමට නම් 1 වසරේ සිට 13 වසර දක්වා වන සියලුම දූ දරුවන්ට තොරතුරු තාක්ෂණ විෂයය අනිවාර්යයෙන්ම ඉංග්රීසි භාෂාවෙන් (English Medium) ඉගැන්විය යුතු බවත් විපක්ෂ නායකවරයා සිය යෝජනාව මඟින් අවධාරණය කළේය. දිවයින පුරා ක්රියාත්මක වන “සක්වල සුහුරු පන්ති කාමර” (Sakwala Smart Classrooms) වැඩසටහන හරහා තමන් ලබාගත් ප්රායෝගික අත්දැකීම් අනුව මෙම නිගමනයට පැමිණි බව පැවසූ සජිත් ප්රේමදාස මහතා, රට ඩිජිටල්කරණය කිරීමට පෙර මුලින්ම අධ්යාපනයේ මූලික හර පද්ධතීන් වෙනස් කර STEAM (Science, Technology, Engineering, Arts, and Mathematics) අධ්යාපන ක්රමවේදය රට පුරා ප්රවර්ධනය කළ යුතු බව ද වැඩිදුරටත් කියා සිටියේය
