වසර 18කට අධික විශ්වසනීය විශිෂ්ටත්වයක් හිමි, ශ්රී ලංකාවේ ප්රමුඛතම තොරතුරු හා සන්නිවේදන තාක්ෂණ (ICT) විසඳුම් සපයන ක්රියේටිව් ඉන්ෆොමේෂන් ටෙක්නොලොජීස් (පුද්ගලික) සමාගම, සිය නවතම ප්රිමියම් ප්රදර්ශනාගාරය 2026 මැයි 25 වන දින යුනිටි ප්ලාසා (Unity Plaza) හිදී විවෘත කළේය. ශ්රී ලංකාවේ ප්රමුඛතම තාක්ෂණික වෙළෙඳපොළ තුළ පාරිභෝගික සබඳතා තවදුරටත් ශක්තිමත් කර ගැනීම මෙම ව්යාප්තියේ ප්රධාන අරමුණයි.
2008 වසරේ සිට ICT ක්ෂේත්රය තුළ ගුණාත්මකභාවය සහ පාරිභෝගික තෘප්තිය මත පදනම් වූ ශක්තිමත් කීර්ති නාමයක් ගොඩනඟා ගැනීමට සමාගම සමත්ව ඇත. මෙම නව ප්රදර්ශනාගාරය හරහා දිවයින පුරා සිටින පාරිභෝගිකයන් වෙත ලෝක මට්ටමේ තාක්ෂණික විසඳුම් වඩාත් පහසුවෙන් ලබා දීමට සමාගම අපේක්ෂා කරයි.
ක්රියේටිව් ඉන්ෆොමේෂන් ටෙක්නොලොජීස් සමාගම Amida, HAVIT සහ PNY වැනි ජාත්යන්තර සන්නාම සඳහා බලයලත් බෙදාහරින්නා ලෙස කටයුතු කරන අතර, HP, Dell, Asus සහ MSI වැනි ප්රමුඛ පෙළේ ගෝලීය සන්නාමයන් ද පාරිභෝගිකයන් වෙත සමීප කරයි. ලැප්ටොප්, ඩෙස්ක්ටොප් පරිගණක, ප්රින්ටර් උපාංග, Gaming උපාංග, CCTV විසඳුම්, ජාලකරණ පද්ධති, දත්ත ගබඩා කිරීමේ උපාංග සහ ජංගම දුරකථන උපාංග ඇතුළු පුළුල් පරාසයක නිෂ්පාදන මෙහිදී ලබා ගත හැකිය.
මෙම ව්යාප්තිය පිළිබඳ අදහස් දක්වමින් සමාගමේ සභාපති සුබ්රමනියම් සුරේෂ් මහතා ප්රකාශ කළේ, මිනිසුන් තාක්ෂණය සමඟ සම්බන්ධ කරන වඩාත්ම විශ්වාසවන්ත සැපයුම්කරු බවට පත්වීම සමාගමේ දැක්ම බවයි. නවෝත්පාදනය, විශ්වසනීයත්වය සහ විශිෂ්ට සේවාවක් පාරිභෝගිකයන් වෙත අඛණ්ඩව ලබා දීමට සමාගම කැපවී සිටින බවද ඒ මහතා වැඩිදුරටත් පැවසීය.
“මිනිසුන් තාක්ෂණය සමඟ සම්බන්ධ කිරීම සඳහා වඩාත්ම කැමති සහ විශ්වාසවන්ත සැපයුම්කරු වීම” සමාගමේ දැක්ම වන අතර, “ගෝලීය මට්ටමේ ICT නිෂ්පාදන සහ සේවාවන් සඳහා පුළුල් ප්රවේශයක් ලබා දීමෙන් මිනිසුන්ගේ ජීවිත ඉහළ නංවාලීම” ඔවුන්ගේ මෙහෙවරයි. ශක්තිමත් ජාත්යන්තර හවුල්කාරිත්වයන් සහ අඛණ්ඩ නවෝත්පාදනයන් සමඟින්, ශ්රී ලංකාවේ වඩාත්ම විශ්වාසදායක ICT සමාගමක් ලෙස තම ස්ථාවරය තවදුරටත් තහවුරු කිරීමට සමාගම කටයුතු කරයි.
