ජගත් පරිසර දිනයට සමගාමීව, අනුරාධපුර දිස්ත්රික්කයේ කැකිරාව අඩවියට අයත් ‘අලියා වැටුණු වැව’ වනාන්තරය රක්ෂිත වනාන්තරයක් ලෙස ආරක්ෂා කිරීමට පරිසර අමාත්යාංශය පියවර ගෙන තිබේ. කැකිරාව ප්රාදේශීය ලේකම් කොට්ඨාසයේ පිහිටි මෙම වනාන්තරය හෙක්ටයාර 69.27ක භූමි ප්රමාණයකින් සමන්විත වේ.
ඉහළ ශාක හා සත්ව විවිධත්වයකින් යුතු මෙම වනාන්තරය අලි ඇතුන් ඇතුළු බොහෝ සත්ව විශේෂ සඳහා ස්වාභාවික වාසස්ථානයක් ලෙස ක්රියා කරයි. වියළි කලාපීය ලක්ෂණවලින් යුත් මෙම වනාන්තර පද්ධතිය මධ්යයේ පිහිටි ජල මූලාශ්රය සතුන්ගේ ජල අවශ්යතා සපුරාලීමට සහ ප්රදේශයේ පාරිසරික සමතුලිතතාව පවත්වා ගැනීමට විශාල දායකත්වයක් ලබා දෙයි. එසේම, මෙය ජල උල්පත් සඳහා වැදගත් පෝෂක ප්රදේශයක් ලෙසද වැදගත් වේ.
