වසර 12ක නාසා ආයතනයේ සේවා කාලයකින් පසු, එක්සත් ජනපද හමුදාවේ බ්රිගේඩියර් ජෙනරාල් ඇන්ඩෲ ආර්. මෝගන් සිය මිලිටරි සේවය ඉදිරියට කරගෙන යාම සඳහා නාසා ආයතනයෙන් විශ්රාම ගෙන ඇත.
නාසා ආයතනය විසින් 2013 අගෝස්තු මාසයේදී මෝගන් සිය 21 වැනි ගගනගාමී කණ්ඩායම සඳහා තෝරා ගන්නා ලදී.ඔහු 2019 ජූලි 20 වැනි දින කසකස්තානයේ බයිකොනූර් කොස්මොඩ්රොම් වෙතින් සෝයුස් එම්එස්-13 (Soyuz MS-13) යානය මගින් ජාත්යන්තර අභ්යවකාශ මධ්යස්ථානය බලා පිටත්ව ගියේය.ජාත්යන්තර අභ්යවකාශ මධ්යස්ථානයේ ගවේෂණ 60, 61 සහ 62 යන මෙහෙයුම් සඳහා ගුවන් ඉංජිනේරුවරයෙකු ලෙස කටයුතු කරමින් දින 272ක් අභ්යවකාශයේ ගත කළ ඔහු, පෘථිවිය වටා 4,300 වාරයකට වඩා කක්ෂගත වෙමින් සැතපුම් මිලියන 115කට වඩා දුරක් ගමන් කර ඇත.අභ්යවකාශ මධ්යස්ථානයේ ගත කළ මාස නවය තුළ ඔහු අභ්යවකාශ ඇවිදීම් හතක් සිදු කර ඇති අතර, එය පැය 45යි මිනිත්තු 48ක කාලයක් වේ; මෙම කාලය එක් අභ්යවකාශ මෙහෙයුමක් තුළ ඇමරිකානු ගගනගාමියෙකු විසින් තැබූ වාර්තාවකි.මෝගන් මහතා මීට පෙර අභ්යවකාශ මධ්යස්ථාන ගවේෂණ මෙහෙයුම්වලදී කාර්ය මණ්ඩල මෙහෙයුම් නිලධාරියෙකු ලෙස සහ අභ්යවකාශ මධ්යස්ථාන මෙහෙයුම් සම්බන්ධීකාරකවරයෙකු ලෙසද කටයුතු කර ඇත.නාසා ආයතනයට එක්වීමට පෙර ඔහු හදිසි වෛද්ය ප්රතිකාර පිළිබඳ විශේෂඥ වෛද්යවරයෙකු ලෙස සහ ප්රභූ විශේෂ බලකා ඒකකවල සේවය කර ඇත.ඔහු මේ වන විට නිව් මෙක්සිකෝවේ වයිට් සැන්ඩ්ස් මිසයිල පරාසයේ අණදෙන නිලධාරියා ලෙස සේවය කරයි.
