බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් අද (01) දින විටින් විට වැසි ඇතිවිය හැකි බව කාලගුණ විද්යා දෙපාර්තමේන්තුව නිවේදනය කරයි.
එමෙන්ම අද පස්වරු 1.00න් පසුව ඌව පළාතේ සහ අම්පාර හා මඩකලපුව දිස්ත්රික්කවල ස්ථාන කිහිපයක වැසි හෝ ගිගුරුම් සහිත වැසි ඇතිවිය හැකි බව එම දෙපාර්තමේන්තුව සඳහන් කරයි.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු-මැද, වයඹ සහ දකුණු පළාත්වලත් මෙන්ම ත්රිකුණාමලය දිස්ත්රික්කයේත් විටින් විට පැයට කිලෝමීටර් 30-40ත් අතර තරමක් තද සුළං ඇතිවිය හැකි බවද ඔවුන් වැඩිදුරටත් අනාවරණය කරයි.
ගිගුරුම් සහිත වැසි සමඟ ඇතිවිය හැකි තාවකාලික තද සුළං සහ අකුණු මඟින් සිදුවන හානි අවම කර ගැනීමට ප්රමාණවත් පියවර ගන්නා ලෙස පොදු ජනතාවගෙන් කාරුණිකව ඉල්ලා සිටිනු ලැබේ.
