අම්පාර දිස්ත්රික්කයේ ඉරාකාමම් හි 14 හැවිරිදි දැරියකට ලිංගික අතවර කිරීමේ සිද්ධිය සම්බන්ධයෙන් අත්අඩංගුවට ගත් පුද්ගලයා මවුලවිවරයෙකු බවට පොලිසිය කළ ප්රකාශය සමස්ත ලංකා ජමියතුල් උලමා (ACJU) ඉරක්කාමම් ශාඛාව විසින් ප්රතික්ෂේප කරනු ලැබ ඇත. මෙම සිද්ධියට අදාළ කරුණු පහත දැක්වේ:
සමස්ත ලංකා ජමියතුල් උලමා සංගමය නිකුත් කළ නිවේදනයකට අනුව, අදාළ පුද්ගලයා සහතික ලත් මවුලවිවරයෙකු නොවන අතර ඔහු කිසිදු අරාබි පාසලක අධ්යාපනය ලබා නොමැති අයෙකි. එම පුද්ගලයා සමස්ත ලංකා ජමියතුල් උලමා සංගමයේ හෝ එහි ඉරාකාමම් ශාඛාවේ සාමාජිකයෙකු නොවන බව එම සංවිධානය වැඩිදුරටත් අවධාරණය කරයි. සිද්ධියේ ප්රධාන සැකකරු ලෙස සැකපිට ප්රදේශයෙන් පලා ගොස් සිටි පුද්ගලයා පසුව නීතිඥවරයෙකු මාර්ගයෙන් අම්පාර මහේස්ත්රාත් අධිකරණයට භාර වී ඇති අතර, ඔහු 2026 ජුනි 03 වන දින දක්වා රක්ෂිත බන්ධනාගාර ගත කර ඇත. මෙම සිද්ධිය සම්බන්ධයෙන් ප්රධාන සැකකරුට සහාය දුන් එරගම පදිංචි 21 හැවිරිදි තරුණයෙකු මීට පෙර අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව, ඔහුව ද 2026 ජුනි 03 වන දින දක්වා රක්ෂිත බන්ධනාගාර ගත කර තිබේ.
