ඊශ්රායල ආරක්ෂක බලකායන් (IDF) ලෙබනන් දේශසීමාවෙන් මුළුමනින්ම ඉවත් වනතුරු ඇමරිකා එක්සත් ජනපදය සමඟ පවත්වනු ලබන සියලුම සාම සාකච්ඡා වහාම ක්රියාත්මක වන පරිදි නවතා දැමීමට ඉරාන රජය තීරණය කර තිබේ. ඉරානය විසින් මෙම තීරණාත්මක දේශපාලන නිවේදනය නිකුත් කර සුළු මොහොතක් ගතවෙද්දීම, ඉරාක මුහුදු සීමාව හරහා ගමන් කරමින් තිබූ පැනමා රාජ්යයට අයත් (Panama-flagged) දැවැන්ත තෙල් ප්රවාහන නෞකාවක ප්රබල පිපිරීමක් සිදුව ඇති බව ජාත්යන්තර මාධ්යවේදී මාරියෝ නව්ෆල් (Mario Nawfal) වාර්තා කර සිටී.
මෙම නෞකාවට එල්ල වූ ප්රහාරයේ ස්වභාවය සහ ඉන් සිදුවූ හානිය පිළිබඳ නිශ්චිත තොරතුරු මේ දක්වා සම්පූර්ණයෙන් අනාවරණය වී නොමැති වුවද, පර්සියානු ගල්ෆ් කලාපය (The Gulf) ආශ්රිතව යළිත් වරක් සෘජු යුද ගැටුම් (Kinetic warfare) ආරම්භ වී ඇති බවට මෙමඟින් පැහැදිලි සලකුණු පළවන බව ආරක්ෂක විශ්ලේෂකයෝ පෙන්වා දෙති. ලෙබනන් අර්බුදය මුල්කර ගනිමින් මැදපෙරදිග කලාපයේ පවතින ආතතිය මෙම සාම සාකච්ඡා බිඳවැටීම සහ ජාත්යන්තර මුහුදු මාර්ග ඉලක්ක කර ගනිමින් එල්ල වන ප්රහාර හේතුවෙන් තවදුරටත් දරුණු අතට හැරෙමින් පවතී.
මුලාශ්ර – අල් අරාබියා (Al Arabiya) සහ ජියෝපීවොච් (GeoPWatch) ජාත්යන්තර මාධ්ය වාර්තා
