ඉතියෝපියාවේ පාර්ලිමේන්තු සහ ප්රාදේශීය මැතිවරණය සඳුදා දිනයේදී පැවැත්විණි. අග්රාමාත්ය අබි අහමඩ්ගේ පාලක සමෘද්ධි පක්ෂය (Prosperity Party) මෙම මැතිවරණයෙන් පහසු ජයග්රහණයක් ලබා ගනු ඇතැයි අපේක්ෂා කෙරේ.
මැතිවරණය සඳහා මිලියන 50කට අධික ජනතාවක් ලියාපදිංචි වී සිටියහ. ටයිග්රේ කලාපයේ සහ අම්හාරා ප්රදේශයේ සමහර කොටස්වල මැතිවරණය පැවැත්වුණේ නැත. ටයිග්රේහි මැතිවරණය නොපැවැත්වීමට හේතුව ලෙස සංවිධායකයින් සඳහන් කළේ දෙවසරක සිවිල් යුද්ධයකින් පසු පවතින “අහිතකර තත්ත්වයන්” සහ දේශපාලන නොසන්සුන්තාවයි. අග්රාමාත්යවරයා සිය මැතිවරණ ප්රචාරණ කටයුතු රජයේ ආර්ථික වාර්තා මත පදනම් කර ගෙන තිබුණි. ආරක්ෂක හේතූන් මත ඡන්ද මධ්යස්ථාන 143ක් විවෘත කිරීමට නොහැකි වූ බව මැතිවරණ මණ්ඩලයේ සභාපතිනි මෙලට්වර්ක් හයිලු මහත්මිය ප්රකාශ කළාය. අප්රිකානු සංගමයේ මැතිවරණ නිරීක්ෂණ දූත මණ්ඩලයේ ප්රධානී, හිටපු කෙන්යානු ජනාධිපති උහුරු කෙන්යාටා මහතා පැවසුවේ ඡන්ද විමසීම සාර්ථකව සිදුවන බවයි.
