අද (ජුනි 02) දිනයේ මෙරට වාණිජ බැංකු කිහිපයකම අමෙරිකානු ඩොලරයට සාපේක්ෂව ශ්රී ලංකා රුපියල සුළු වශයෙන් අවප්රමාණය වී තිබේ. කෙසේ වෙතත්, සියලුම බැංකුවල ඩොලරයක විකුණුම් මිල තවමත් රුපියල් 340 සීමාවට වඩා පහළ මට්ටමක පවතී.
බැංකු කිහිපයක අද දින විනිමය අනුපාතික පහත පරිදි වේ:
සෙලාන් බැංකුව: ඩොලරයක ගැනුම් මිල රු. 323.25ක් ලෙසත්, විකුණුම් මිල රු. 337ක් ලෙසත් කිසිදු වෙනසකින් තොරව පවතී.
එන්.ඩී.බී. (NDB) බැංකුව: ගැනුම් මිල රු. 326 සිට රු. 327.50 දක්වාත්, විකුණුම් මිල රු. 335 සිට රු. 336.50 දක්වාත් ඉහළ ගොස් ඇත.
මහජන බැංකුව (People’s Bank): ගැනුම් මිල රු. 326.50 සිට රු. 327 දක්වාත්, විකුණුම් මිල රු. 335.74 සිට රු. 336.25 දක්වාත් ඉහළ ගොස් ඇත.
කොමර්ෂල් බැංකුව: ගැනුම් මිල රු. 322.98 සිට රු. 324.47 දක්වාත්, විකුණුම් මිල රු. 335 සිට රු. 335.50 දක්වාත් ඉහළ ගොස් ඇත.
