මොණරාගල දිස්ත්රික්කයේ ලක්ෂ පහකට අධික ජනතාවට උසස් සෞඛ්ය සේවාවක් ලබා දීමේ අරමුණින් ඉදිකළ නව පස් මහල් මාතෘ සහ ශල්ය වාට්ටු සංකීර්ණය, සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් ජුනි 04 වැනිදා ජනතා අයිතියට පත් කිරීමට නියමිතය.
මෙම වාට්ටු සංකීර්ණයේ බිම් මහල සහ පළමු මහල මාතෘ වාට්ටු සඳහා වෙන් කර ඇති අතර, දෙවන සහ තෙවන මහල්වල කාන්තා ශල්ය වාට්ටු ස්ථාපිත කර ඇත. සිව්වන මහලේ අති නවීන වෛද්ය උපකරණවලින් සමන්විත නවීන ශල්යාගාර හතරක් ස්ථාපිත කිරීමට සැලසුම් කර තිබේ.
මෙම ගොඩනැගිල්ල සඳහා මේ වන විට රුපියල් මිලියන 857කට අධික මුදලක් වැය කර ඇති අතර, සමස්ත ව්යාපෘතිය සඳහා රුපියල් මිලියන 2900ක් වැය කිරීමට අපේක්ෂිතය. 2019 වසරේදී ආරම්භ කර අතරමග නැවතී තිබූ මෙම ඉදිකිරීම් කටයුතු, අමාත්යවරයාගේ උපදෙස් මත ප්රමුඛතාවක් ලෙස සලකා කඩිනමින් සම්පූර්ණ කර තිබීම විශේෂත්වයකි.
