ගොවි ජනතාව වෙත ලබාදෙන පොහොර සහනාධාරය රුපියල් මිලියන 15,000 දක්වා ඉහළ නැංවීමට රජය තීරණය කර ඇති බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා පවසයි. දැනට පොහොර සහනාධාරය සඳහා රුපියල් මිලියන 8,981ක මුදලක් නිකුත් කර ඇති අතර, නව තීරණයත් සමඟ එම මුදල තවදුරටත් වැඩි කෙරේ.
රජයේ ප්රවෘත්ති දෙපාර්තමේන්තුවේ පැවැති මාධ්ය හමුවකට එක්වෙමින් අමාත්යවරයා මේ බව සඳහන් කළේය. පසුගිය දිනවල ලැබුණු වර්ෂාවත් සමඟ මෙරට වී වගා කරන භූමි ප්රමාණය හෙක්ටයාර් 500,000ක් දක්වා ඉහළ යනු ඇතැයි අපේක්ෂා කරන බැවින්, ඊට සරිලන පරිදි අවශ්ය පොහොර තොග ගෙන්වීමට රජය කටයුතු සූදානම් කර ඇත.
සහල් වෙළෙඳපොළ පිළිබඳව අදහස් දක්වමින් අමාත්යවරයා පැවසුවේ, මේ වසරේ ජනවාරි සිට මැයි දක්වා සහල් සම්බන්ධ වැටලීම් 970ක් සිදුකර ඇති බවයි. කීරි සම්බා සහල් සඳහා රුපියල් 260ක පාලන මිලක් ක්රියාත්මක වන අතර, දැනට කීරි සම්බා ආනයනය නතර කර ඇත. වී නිෂ්පාදනයේ පවතින අසමතුලිතතාව කළමනාකරණය කරමින් ජනතාවට අවශ්ය සහල් ප්රමාණය අඛණ්ඩව සැපයීමට රජය පියවර ගන්නා බවද අමාත්යවරයා වැඩිදුරටත් අවධාරණය කළේය.
