ඇෆ්ගනිස්ථාන කඩුලු රකින පිතිකරු රහ්මනුල්ලා ගුර්බාස් 2026 වසරේ පැවැත්වෙන ලංකා ප්රිමියර් ලීග් (LPL) තරගාවලියට සහභාගි නොවන බව නිවේදනය කර තිබේ. ඔහු මහනුවර රෝයල්ස් (Kandy Royals) කණ්ඩායම විසින් තරගාවලිය සඳහා තෝරාගෙන සිටියද, එම තීරණයෙන් ඉවත් වීමට ඔහු තීරණය කර ඇත.
සිය සමාජ මාධ්ය ගිණුම හරහා නිවේදනයක් නිකුත් කරමින් ගුර්බාස් කියා සිටියේ, මහනුවර රෝයල්ස් කණ්ඩායම තමන් කෙරෙහි තැබූ විශ්වාසය පිළිබඳව ඔවුන්ට ස්තූතිවන්ත වන බවයි. කෙසේ වෙතත්, ඇෆ්ගනිස්ථානයේ පැවැත්වෙන දේශීය විස්සයි විස්ස තරගාවලියක් වන ‘ෂපගීසා ක්රිකට් ලීගයට’ (Shpageeza Cricket League) සහභාගි වීමට සිදුවීම හේතුවෙන් මෙවර LPL තරගාවලියට එක්වීමට නොහැකි බව ඔහු පැවසීය.
කණ්ඩායමට සුදුසු ආදේශක ක්රීඩකයෙකු සොයා ගැනීමට ප්රමාණවත් කාලයක් ලබා දීම සඳහා තමා මේ පිළිබඳව කල්තියා දැනුම් දුන් බව ද ඔහු වැඩිදුරටත් සඳහන් කළේය. ඔහු මහනුවර රෝයල්ස් කණ්ඩායමට සහ සමස්ත ලංකා ප්රිමියර් ලීග් තරගාවලිය සාර්ථක කර ගැනීමට සුබ පැතුම් ද එක් කළේය. ඔහුගේ මෙම ඉවත්වීමත් සමඟ මේ වන විට මහනුවර රෝයල්ස් කණ්ඩායම ඔහු වෙනුවට ආදේශක ක්රීඩකයෙකු සොයමින් පවතී.
