පාස්කු ඉරිදා ප්රහාර මාලාවට අදාළව සිදුකෙරෙන විමර්ශන සඳහා හිටපු ජනාධිපති ගෝඨාභය රාජපක්ෂ මහතා සහ හිටපු බුද්ධි අංශ නිලධාරීන් වන ප්රේමානන්ද උදලගම සහ මේජර් මොහොමඩ් අන්සාර් යන අයට විදේශගත වීම තහනම් කරමින් කොටුව මහේස්ත්රාත් මිකාන් අමරසේන මහතා නියෝගයක් නිකුත් කර තිබේ.
අපරාධ පරීක්ෂණ දෙපාර්තමේන්තුව කළ ඉල්ලීමක් සලකා බැලූ මහේස්ත්රාත්වරයා, මෙම පුද්ගලයන් රටින් බැහැරව යාමේ අවදානමක් පවතින බවත්, එය විමර්ශන කටයුතුවලට බාධාවක් විය හැකි බවත් පෙන්වා දෙමින් මෙම තහනම පැනවීය. අදාළ නියෝගය වහාම ක්රියාත්මක වන පරිදි ආගමන විගමන පාලක ජනරාල්වරයා වෙත දැනුම් දීමට ද පියවර ගෙන ඇත.
