ඇමෙරිකාවේ දකුණු ඇරිසෝනා (Arizona) කලාපයේ අතුරුදන්ව සිටි 15 හැවිරිදි දැරියකගේ සිරුරක් සැකකටයුතු ලෙස පසුගිය සඳුදා උදෑසන සොයාගෙන තිබේ. යුමා ප්රාන්ත ෂෙරිෆ් කාර්යාලය (YCSO) ප්රකාශ කළේ, ජුනි 01 වනදා ඇඩම්ස් මාවතේ (Adams Avenue) තිබී හමු වූ මෙම සිරුර සම්බන්ධයෙන් පුළුල් විමර්ශන ආරම්භ කර ඇති බවයි.
මුලින් දැරිය කවුරුන්දැයි හඳුනා ගැනීමට නොහැකි වූවද, පසුව සිදු කරන ලද විමර්ශනවලදී ඇය සැන් ලුයිස් (San Luis) ප්රදේශයේ පදිංචි අතුරුදන්ව සිටි දැරියක බව තහවුරු විය. මියගිය දැරියගේ ඥාතීන් දැනුවත් කිරීමට බලධාරීන් පියවර ගෙන ඇත.
මෙම අභිරහස් මරණය සිදුවීමට හේතුව මෙතෙක් අනාවරණය වී නොමැත. මෑත කාලයේ ඇරිසෝනා ප්රාන්තයෙන් මෙවැනි සිදුවීම් කිහිපයක්ම වාර්තා වීම හේතුවෙන් ප්රදේශයේ තරුණ පරපුරේ ආරක්ෂාව සම්බන්ධයෙන් සමාජය තුළ දැඩි කනස්සල්ලක් මතු වී තිබේ.
